உங்க எல்லாருடைய ஊக்கத்துனால எழுத்தாளரான நான், நண்பர், எழுத்தாளர் சேவியர் அவர்களுடைய அன்பினால் தினத்தந்தி இளைஞர் மலரில் “அறிவியல் ஆச்சரியங்கள்” எனும் ஒரு அறிவியல் தொடர் எழுத ஆரம்பிச்சிருக்கேன். பத்திரிகைகளில் அறிவியல் தொடர்பாக நான் “தொடர் கட்டுரை” எழுதுவது இதுவே முதல் முறை. அதுவும் தினத்தந்தி போன்ற கோடிக்கணக்கான வாசகர்களைக் கொண்ட பத்திரிகையில் எழுதுவதில் மட்டற்ற மகிழ்ச்சி எனக்கு.

சனிக்கிழமை தோறும் வெளியாகும் தினத்தந்தியின் இலவச இணைப்பான “இளைஞர் மலர்” இதழில் வரும் எனது தொடரை வாய்ப்பிருந்தால் படியுங்கள். படித்துவிட்டு மறக்காமல் உங்கள் கருத்துகளை அறியத்தாருங்கள். நன்றி

ஒரு எதிரி நண்பன் ஆகிறான்…..!

நண்பன் பகைவன் ஆவதும், பகைவன் நண்பன் ஆவதும் பொது வாழ்விலும், அரசியலிலும் சகஜம். ஆனால் மனித உடலுக்கு தீமை செய்யும் வைரஸ்கள் ஒருபோதும் நல்லது செய்யாது என்பது மருத்துவ உண்மை. இப்போது இந்த உண்மை பொய்யாகப் போகிறது. சில வைரஸ்கள் நமக்கு நண்பன் ஆகப்போகிறது என்கின்றன புதிய ஆய்வுகள்.

“என்னது, வைரஸ்கள் நமக்கு நண்பனா? அட, இது நல்ல கதையா இருக்கே” என்கிறீர்களா?

வைரஸ்

அட, ஆமாங்க!  உடலுக்குள் இருக்கும் ஆரோக்கியமான உயிரணுக்களை விடுத்து புற்றணுக்களை (புற்றுநோய் உயிரணுக்கள்) இனம்கண்டு கொல்லக்கூடிய அளவில் மரபணுமாற்றம் செய்யப்பட்ட வைரஸ்களை பரவிய புற்றுநோயுள்ள நோயாளிகளின் உடலுக்குள் செலுத்தி, சோதனைமுறையில் சிகிச்சை மேற்கொண்டு அதில் வெற்றியும் கண்டுள்ளார்கள் Jennerex என்னும் அமெரிக்க உயிர்தொழில்நுட்பவியல் நிறுவனத்தைச் சேர்ந்த புற்றுநோய் ஆய்வாளர்கள். இந்த ஆய்வு முடிவுகள் பிரபல அறிவியல் இதழான Nature-ல் சமீபத்தில் வெளியாகியுள்ளது. இந்த ஆய்வின் மூலம் ‘புற்றுநோய் கொல்லி’ வைரஸ்களைக்கொண்டு புதிய வகை புற்றுநோய் மருந்து சாத்தியப்படும் எனும் நம்பிக்கை ஏற்பட்டுள்ளது.

இந்த ஆய்வில், வெவ்வேறு அளவுகளில் வைரஸ்களைக் கொண்ட ஊசிகளை, வேவ்வேறு வகையான பரவிவிட்ட புற்றுநோயுடைய நோயாளிகளின் உடலுக்கு செலுத்தியிருக்கிறார்கள். 10 நாட்கள் கழித்து, நோயாளிகளின் புற்றுநோய் கட்டிகளை அறுவை செய்து பரிசோதித்தபோது, மிக அதிகப்படியான வைரஸ் அளவுள்ள ஊசிகள் போடப்பட்ட 8 நோயாளிகளில் 7 பேரின் புற்றுநோய் கட்டிகளில் வைரஸ்கள் இனப்பெருக்கம் அதிகமானதும், அதனால் பின்விளைகள் ஏதும் ஏற்படாததும் கண்டறியப்பட்டது. மேலும், ஊசி போடப்பட்டபின் பல வாரங்கள் கழித்து, வைரஸ் ஊசி போட்டுக்கொண்ட நோயாளிகளில் பாதி பேருக்கு புற்றுநோய்கள் வளர்வது முற்றிலும் நின்றதும், ஒருவரின் புற்றுநோய் சுருங்கிவிட்டதும் கண்டறியப்பட்டது. இத்தகைய சில முயற்சிகள் முந்தைய ஆய்வுகளில் மேற்கொள்ளப்பட்டாலும், ஒரு புற்றுநோயாளியின் உடலுக்குள் செலுத்தப்பட்ட மரபணுமாற்றம் செய்யப்பட்ட வைரஸ் எப்படி செயலாற்றுகிறது என்பதை பதிவு செய்த முதல் இதுவே என்பதுதான் இந்த ஆய்வின் விசேஷம்!

நம் உடலில் புற்றுநோய் கட்டிகள் கட்டுப்பாடுகள் ஏதுமின்றி தொடர்ந்து வளர்வதற்கு ஒரு முக்கிய காரணம், புற்றுநோயானது நம் உடலின் நோய்எதிர்ப்பு சக்தியை அடக்கிவிடுகிறது என்பதுதான். ஆனால் இதுதான் வைரஸ்களுக்கு சாதகமாகிவிடுகிறது. அதாவது, பொதுவாக உடலுக்குள் செல்லும் வைரஸ்களை நம் நோய்எதிர்ப்பு சக்தி கொன்றுவிடும். ஆனால், புற்றுநோயால் கட்டுப்படுத்தப்படும் நோய்எதிர்ப்பு சக்தியால் சுதந்திரமாக செயல்படும் வைரஸ்கள், புற்றணுக்களுள் சென்று அவை வெடித்துச் சிதறும்வரை உள்ளேயே இனப்பெருக்கம் செய்கின்றன. இப்படித்தான் வைரஸ்கள் மூலம் தனக்குத்தானே வேட்டு வைத்துக்கொள்கின்றன புற்றணுக்கள்!

இச்சோதனைமுறை சிகிச்சையில் பயன்படுத்தப்பட்டுள்ள JX-594 எனும் மரபணுமாற்ற வைரஸ்களை உருவாக்க, சின்னம்மை தடுப்பூசியில் பயன்படுத்தப்பட்ட, உடலின் நோய்எதிர்ப்பு சக்தியின் தாக்குதலை லாவகமாக தவிர்க்கும் திறனுடைய “வாக்சீனியா வகை வைரஸ்களை” பயன்படுத்தியுள்ளனர். இவ்வைரஸ்களுக்குள், புற்றணுக்களுக்கான உடலின் நோய் எதிர்ப்பு சக்தியினை தூண்டும் தன்மையுடைய ஒரு புரதமான GM-CSF-னை உருவாக்கும் மரபணுவை பொருத்தினார்கள். இப்புரதத்தின் திறனைப் பயன்படுத்தியே மரபணுமாற்றம் செய்யப்பட்ட வைரஸ்கள் புற்றணுக்களை வெற்றிகரமாக அழிக்கின்றன.

புற்றுநோய் கட்டிகளுக்குள் ஊசி மூலம் நேரடியாக செலுத்தப்பட்டால், புற்றணுக்களை மட்டும் தேடிப்பிடித்துக் கொல்லும் திறனுடைய பல மரபணுமாற்ற வைரஸ்கள் தற்போது பெருமளவில் உருவாக்கப்படுகின்றன. ஆனால், உடலின் ரத்த ஓட்டத்துக்குள் செலுத்தப்பட்டு, ரத்தத்தில் இருக்கக்கூடிய உடலின் பிற பகுதிகளுக்கு பரவும் திறனுள்ள புற்றணுக்களை தேடிப்பிடித்துக் கொல்லும் திறனுடைய மரபணுமாற்ற வைரஸ்களே இப்போதைய உடனடி தேவை என்கிறார் இந்த துறையில் இயங்கிக்கொண்டிருக்கும் மூத்த ஆய்வாளரான, அமெரிக்காவின் மசாச்சூசெட்ஸ் பொதுமருத்துவமனையின் சாமுவெல் ராப்கின்!

எது எப்படியிருந்தாலும், இந்த புதிய வகை மரபணுமாற்ற வைரஸ்களின் வருகை, இந்த துறையின் புதிய புதிய மரபணுமாற்ற வைரஸ் உருவாக்கும் முயற்சிகளை ஊக்குவிப்பதோடு, தற்போது கல்லீரல் புற்றுநோயாளிகளின் ஆயுட்காலத்தை நீட்டிப்பதில் ஆரம்பநிலை வெற்றிகண்டிருக்கிறது என்று நம்பிக்கையளிக்கிறார் இந்த ஆய்வை மேற்கொண்ட ஜென்னரெக்ஸ் நிறுவனத்தின் டேவிட் கர்ன்!

இனிவரும் காலங்களில் புற்றுநோய் மருத்துவர்கள் “மரபணுமாற்ற வைரஸ்களை ‘நண்பேண்டா’ என்று கொண்டாடினாலும் ஆச்சரியப்படுவதற்கில்லை!

(நன்றி தினத்தந்தி)

தொடர்புடைய சில பதிவுகள்:

ஆபத்து: உங்க செல்ஃபோன் எவ்வளவு (SAR) கதிர்வீச்சை வெளியிடுகிறது?!

“குடி”மகனே வா….எனும் புற்றுநோய்!?

செல்போன் பயன்படுத்தினால் மூளைப்புற்றுநோய்?!

எய்ட்ஸ் நோயை குணப்படுத்த சிகிச்சை கண்டுபிடிக்கப்பட்டுள்ளது!!

ஒளிந்து விளையாடு; எய்ட்ஸ் (HIV) கிருமியும் மேக்ரோஃபேஜஸும்

இந்தப் பதிவு உங்களுக்கு பிடிச்சிருந்தா கீழுள்ள தொடர்பை அழுத்தி, (இன்ட்லி கணக்கு ஒன்றை தொடங்கியபின், பத்மஹரி பக்கத்தில்) பதிவுகளின் இடது பக்கத்தில் இருக்கும் vote எனும்  ஆரஞ்சு வண்ண பொத்தானை அழுத்தி இன்ட்லியில் ஓட்டு போடுங்க……., நன்றி!

பதிவு பிடிச்சிருந்தா இன்ட்லியில ஒரு ஓட்டு போடுங்க

மேலிருப்பான் தளம் உங்களுக்குப் பிடிச்சிருந்தா இங்கே அழுத்தி உங்கள் ஆதரவை தெரிவியுங்கள். நன்றி!

என்ன அப்படி பார்க்குறீங்க?

ஆஹா, இந்த மேலிருப்பான் திரும்பவும் ஆப்பிளோட வந்திருக்கானே….., இந்த முறை என்னத்த சொல்லப்போறானோ அப்படீன்னு பார்க்குறீங்களா?

அட, அது வேற ஒன்னுமில்லீங்க! ஆப்பிள், குறைந்தபட்சம் இருதய நோய் சம்பந்தப்பட்ட காரணங்களுக்காகவாவது மருத்துவரை கண்டிப்பா தூரத்திலே வைக்கக் கூடிய திறன் கொண்டது அப்படீன்னு முந்தைய ஆப்பிள் பதிவுல பார்த்தோம் இல்லீங்களா?

இப்போ என்னடான்னா, “ஆப்பிள் மருத்துவரை தூர வைக்கிறதோடு மட்டுமில்லாம, நம்ம உடலில் இருக்குற தசைகளையும் வளர்க்கிறது” அப்படீன்னு ஒரு செய்தி வெளியாகியிருக்குங்க! அதப்பத்தி உங்ககிட்ட சொல்லிட்டு போகலாமுன்னு வந்தேன். வாங்க, இந்த ஆப்பிள் எப்படித்தான் நம்ம தசைகளை வளர்க்கிறது அப்படீன்னு கொஞ்சம் விளக்கமா, தோண்டி-துருவி பார்த்துடுவோம்……

நோய்கள் அல்லது உடல் உபாதைகள் மற்றும் வயது முதிர்ச்சி ஆகிய இவ்விரண்டு இயற்கை நிகழ்வுகளின்போதும் தசைகள் விரயமாகின்றனவாம். இந்நிகழ்வினை தடுக்கும் திறனுள்ள ஒரு மருந்தை கண்டறியும் நோக்கத்திலான ஒரு ஆய்வு முயற்சியில், எதிர்பார்த்த  திறனுள்ள ஒரு இயற்கையான வேதியல் பொருளையே கண்டுபிடித்துவிட்டார்கள் அமெரிக்காவின் ஐயோவா பல்கலைக்கழக ஆய்வாளர்கள். இதுல விசேஷம் என்னன்னா, அந்த இயற்கை வேதியல் பொருள் ஆப்பிளின் தோலில் இருக்கிறது என்பதுதான்! அடடே, இது நல்லாருக்கே….!

தசைவிரயமும் (atrophy) மருந்தாகும் ஆப்பிள் தோலும்!

Picture: Google

‘தசைவிரயம்’ என்பது நோய்களுக்கும், வயது முதிர்ச்சிக்கும் ஒன்னுவிட்ட சொந்தம் போலிருக்கு. அட ஆமாங்க, இது மூனும் எப்பவுமே ஒன்னாவே நிகழுமாம்!  அதுமட்டுமில்லாம, இந்த தசைவிரயத்தினால் மருத்துவமனையிலேயே நீண்ட நாட்கள் தங்குவது, நோய் குணமடைவது தள்ளிப்போவது போன்ற பல பிரச்சினைகளும் இருக்குதாம். இதுக்கான காரணம் என்ன, இதுக்கு மருந்து என்ன இப்படி எதுவுமே இன்னும் புரியல அப்படீங்கிறாரு ஆய்வாளர் க்ரிஸ்டோபர் ஆடம்ஸ்!

இந்த நிலைமைக்கு ஒரு தீர்வுகாண புறப்பட்ட ஆடம்ஸ், தசைவிரயத்துக்கு காரணமான மரபணுக்களை தேடினார். தேடலின் முடிவில், மனிதர்கள் மற்றும் எலிகளில் சுமார் 63 மரபணுக்களை  கண்டறிந்தார். பின்னர், அதனை உயிர்தூண்டும் வேதியல் பொருட்களால் உயிரணுக்களை தூண்டுவதால் ஏற்படும் மரபணு மாற்றங்களுடன் ஒப்பிட்டுப் பார்த்தார். அதனடிப்படையில் ‘உர்சோலிக் அமிலம்’ என்னும் ‘உயிர்தூண்டும்’ வேதியல் பொருளுக்கு தசைவிரயத்தை  கட்டுப்படுத்தும் திறனிருக்கிறது என்பதை கண்டறிந்தார்.

இப்போ, நாம திரும்ப ஆப்பிளுக்கு வருவோம். இந்த உர்சோலிக் அமிலம் நாம அடிக்கடி சாப்பிடுற ஆப்பிளின் ‘தோலில்’ இருக்கிறதாம்! இந்த உர்சோலிக் அமிலத்தையும் எலிகளுக்கு கொடுத்து, அது தசை விரயத்தை தடுக்கிறது என்பதை நிரூபித்தார் ஆடம்ஸ்! தசைவிரயத்தை தடுக்கும் அதேசமயம் உர்சோலிக் அமிலமானது தசை வளர்ச்சியை தூண்டுகிறது என்பது கண்டறியப்பட்டது. இங்கேதான் ஆடம்ஸ் நம்ம எல்லாருக்கும் உதவி செஞ்சுருக்காரு. ஏன்னா, உர்சோலிக் அமிலம் நிறைந்திருக்கும் ஆப்பிளானது நோயாளிகளுக்கு மட்டும் பயனுள்ளதா இல்லாம, தசை வளர்ச்சியை தூண்டுவதன் மூலம் ஆரோக்கியமான மக்களுக்கும் பயனுள்ளதா இருக்குன்னு கண்டுபிடிச்சி சொன்னாரு இல்லீங்களா, அதனால!

எல்லாத்தையும் விட ஆச்சரியமான விஷயம், உர்சோலிக் அமிலம் கொடுக்கப்பட்ட ஆய்வு விலங்குகளின் உடல் மெலிதாகி, ரத்தத்தில் உள்ள சர்க்கரை (க்ளூக்கோஸ்), கொலஸ்டிரால் மற்றும் ட்ரைக்ளிசரைடுகள் எனப்படும் கொழுப்புச்சத்து ஆகியவையின் அளவும் குறைந்துபோனதாம். அதனால என்ன அப்படீங்கிறீங்களா? அட, இந்த மூனும் குறைவா இருந்தாத்தாங்க உடல் ஆரோக்கியமா இருக்கும்!

இந்த ஆய்வின் அடுத்தகட்டம், எலிகள் மீதான ஆய்வுகளில் கிடைத்த இம்முடிவுகள் எல்லாம் மனிதர்களிலும் சாத்தியப்படுமா என்ற நோக்கத்திலான ஆய்வு முயற்சிகளே என்று ஆராயத்தொடங்கிவிட்டார் ஆடம்ஸ்! வாழ்த்துக்கள் ஆடம்ஸ்……

“ம்ம்ம்….இனிமே ஆப்பிள் சாப்பிடும்போது, ‘ஆப்பிள் மருத்துவரை மட்டும் தூர வைக்கவில்லை. நம்ம தசைகளையும் வளர்க்கிறது’ அப்படீங்கிறத நினைவில் வச்சிக்கிட்டு, குழந்தைகள் மற்றும் பெரியவர்களுக்கும் எடுத்துச்சொல்லுங்க!

உங்கள் தகவலுக்கு: நீண்ட இடைவெளிக்கப்புறம் ஒரு பதிவு. அதுக்குக் காரணம் என் முனைவர் பட்ட ஆய்வு. இப்போ முனைவர் பட்டம் வாங்கிவிட்டேன். அதுமட்டுமில்லாம, இந்த வலைப்பதிவு என்னை எழுத்தாளர் ஆக்கியதன் விளைவாக, தினத்தந்தியின் இளைஞர் மலரில் எழுதும் ஒரு அரிய வாய்ப்பையும் பெற்றிருக்கிறேன். வரும் 24-ம் தேதி முதல் இளைஞர் மலரிலும் தொடர்ந்து என் எழுத்துக்களை நீங்கள் வாசித்து மகிழலாம். உங்க ஆதரவை, என்றும்போல தினத்தந்தியிலும் எனக்கு அளிக்க வேண்டுகிறேன். நன்றி.

தொடர்புடைய சில பதிவுகள்:

“ஒரு நாளைக்கு ஒரு ஆப்பிள்” மருத்துவரை தூர வைக்கும்?! இது அறிவியல்பூர்வமாக உண்மையா???

மருத்துவம்: ரத்த அழுத்தமா கவலைப்படாதீங்க ரெண்டு மிளகாய் சாப்பிடுங்க?!

ஆச்சரியம்: உடல் எடையைக் குறை; நோய் எதிர்ப்பு சக்தியைக் கூட்டு?!

இந்தப் பதிவு உங்களுக்கு பிடிச்சிருந்தா கீழுள்ள தொடர்பை அழுத்தி, (இன்ட்லி கணக்கு ஒன்றை தொடங்கியபின், பத்மஹரி பக்கத்தில்) பதிவுகளின் இடது பக்கத்தில் இருக்கும் vote எனும்  ஆரஞ்சு வண்ண பொத்தானை அழுத்தி இன்ட்லியில் ஓட்டு போடுங்க……., நன்றி!

பதிவு பிடிச்சிருந்தா இன்ட்லியில ஒரு ஓட்டு போடுங்களேன்

மேலிருப்பான் தளம் உங்களுக்குப் பிடிச்சிருந்தா இங்கே அழுத்தி உங்கள் ஆதரவை தெரிவியுங்கள். நன்றி!

அதை எப்படியாவது சரி செஞ்சிடனும்னு பாதிக்கப்பட்ட நாம எல்லாருமே, நாம படிச்ச, கேள்விப்பட்ட அல்லது மருத்துவரால் பரிந்துரைக்கப்பட்ட ஒரு யுக்தியை கையாண்டு, நம்ம தூக்கமின்மைய போக்க முயற்சி செஞ்சிருப்போம், இல்லீங்களா?

Image credit: www.flickr.com

அப்படி எனக்கு தெரிஞ்ச ஒரு யுக்தி என்னன்னா, தூக்கம் வராமல் புரண்டு புரண்டு படுத்து தவிக்கும்போது, ரொம்ப நல்ல புள்ளையா, ஒன்றிலிருந்து 100 வரை எண்ண வேண்டுமாம். நூறு எண்ணி முடிக்கிறதுக்குள்ள உறக்கம் வந்துவிடுமாம். இதை நான் எத்தனையோ தரம் முயற்சி செஞ்சி பார்த்திருக்கேன்.

பலன் என்னவா இருக்கும்னு நினைக்கிறீங்க…..?

வேற ஒன்னுமில்ல, குழப்பம்தான்! அட ஆமாங்க, சில சமயம் நூறு எண்ணி முடிக்கிறதுக்குள்ள தூக்கம் வந்துவிடும். பல சமயங்கள்ல 1000 வரை எண்ணிக்கிட்டிருந்தாக்கூட தூக்கமே வராது. இப்படியானா குழப்பம் வராம என்ன செய்யும் சொல்லுங்க….?

சரி இப்படி வேற எதாவது யுக்திகள் உங்களுக்கு தெரிஞ்சா சொல்லுங்க. அடுத்த முறை முயற்சி பண்ணி பார்க்குறேன். ஆனா, இப்போ, இரவு நன்றாக தூங்க உதவும் 5 இயற்கை உணவுகள் பத்தியும், உறக்கம் வர காரணமாய் அவற்றில் இருக்கும் வேதியல் பொருட்களையும் பத்தி விளக்கமா தெரிஞ்சிக்கலாம் வாங்க……

செர்ரி பழங்கள்!

“இத பார்த்த உடனே, ரெண்டு எடுத்து சாப்பிடனும்போல இருக்கே” அப்படீங்கிற மாதிரி இருக்குற செர்ரி பழங்களுக்கும், உறக்கத்துக்கும் ஒரு ரகசிய உறவிருந்தது இதுவரைக்கும் எனக்கு தெரியாமப்போச்சு!

என்ன….., உங்களுக்குமா?

“என்னது செர்ரி பழத்துக்கும் உறக்கத்துக்கும் சம்பந்தம் இருக்கா?” அப்படீன்றீங்களா…..?

அட ஆமாங்க! நம் உடலுக்குள் இருக்கும், உடலியக்கங்களை கட்டுப்படுத்தும் ஒருவகையான கடிகாரமான உயிரியல் கடிகாரமானது, நம்ம தூக்கத்தையும் கட்டுப்படுத்துகிறது. இந்த கடிகாரத்தை உறக்கத்தை நெறிப்படுத்த ஆணையிடும்/தூண்டும் திறனுள்ள மெலடோனின் (melatonin) அப்படீங்கிற வேதியல் பொருளின் இயற்கை உறைவிடம்தான் நம்ம செர்ரி பழங்கள். செர்ரி பழங்களில் மிக அதிக அளவில் மெலெடோனின் இருப்பது கண்டறியப்பட்டது.

அதனால, இரவு உறங்கச் செல்வதற்கு ஒரு மணி நேரத்துக்கு முன்பாகவும், பயணங்களின்போதும் கொஞ்சம் செர்ரி பழங்களைச் சாப்பிட்டீங்கன்னா, இந்த தூக்கமானது “எங்கே எங்கே” அப்படீன்னு உங்கள தேடிகிட்டு வந்துடும்னு சொல்றாங்க விஞ்ஞானிகள்! சாப்பிட்டுதான் பாருங்களேன்…..

வாழைப்பழம்!

இதுவரைக்கும் எனக்கு தெரிஞ்சி, நமக்கெல்லாம் நல்லா தெரிஞ்ச வாழைப்பழத்தை மலச்சிக்கல் இல்லாம இருக்குறதுக்காகத்தான் சாப்பிடனும்னு சொல்லி கொடுத்திருக்காங்க. ஆனா, இனிமே இரவு நல்லா உறங்கனும்னா நாம எல்லாரும் ஒரு வாழைப்பழத்தை சாப்பிடுறது நல்லதுன்னு சொல்றாங்க ஆய்வாளர்கள்!

ஏன்னா, இயற்கையான தசை தளர்த்திகளான பொட்டாசியம் மற்றும் மெக்னீசியம் நம்ம வாழைப்பழத்துல நெறைய இருக்குதாமாம். அதுமட்டுமில்லாம, எல்-ட்ரிப்டோபான் (L-tryptophan) அப்படீங்கிற அமினோ அமிலமும் வாழைப்பழத்துல இருக்குதாம். இந்த எல்-ட்ரிப்டோபான் அமினோ அமிலமானது மூளைக்குள்ளே 5-HTP அப்படீங்கிற ஒரு ரசாயனமா மாறிடும். அதன்பிறகு இந்த 5-HTP-யானது செரடோனின் மற்றும் மெலடோனினாக மாறிவிடும்.

மெலடோனின் என்ன செய்யும்னுதான் உங்களுக்கு இப்போ நல்லாத்தெரியுமே! அதனால இனிமே தூங்க போறதுக்கு முன்னாடி மறக்காம ஒரு வாழைப்பழம் சாப்பிடுங்க, சரியா?

டோஸ்ட்!

நாம பொதுவா காலை உணவா அதிகம் சாப்பிடுற டோஸ்டுக்கும் தூக்கத்துக்கும் சம்பந்தம் இருக்குன்னு சொல்றாங்க விஞ்ஞானிகள்! ஆனா எனக்குதான் இது நம்புற மாதிரி இல்ல…..

என்ன உங்களுக்குமா?

சரி விடுங்க, நம்ம சந்தேகத்தை நிவர்த்தி பண்றமாதிரியான விஞ்ஞானப்பூர்வ விளக்கங்களா இந்த விஞ்ஞானிங்க என்னதான் சொல்றாங்கன்னு பார்த்துடுவோம்.

அதாவது, மாவுச்சத்து நிறைந்த உணவுகள் எல்லாமே இன்சுலின் ஹார்மோன் சுரப்பதை தூண்டுகிறதாம். இந்த இன்சுலின் ஹார்மோன் உறக்கத்தை தூண்டக்கூடியதாம். எப்படின்னா, இன்சுலின் ஹார்மோனானது மூளையிலிருந்து ட்ரிப்டோபான் மற்றும் செரடோனின் ஆகிய ரசாயனங்களை ரத்தத்தில் அதிகரிக்கச்செய்யும் சமிக்ஞைகளை உருவாக்குகிறதாம். மூளையிலிருந்து வெளியாகும் இவ்விரு ரசாயனங்களும் உறக்கத்தை தூண்டிவிடும் திறன் கொண்டவை என்பது குறிப்பிடத்தக்கது!

ஓட் மீல்!

இந்த ஓட்ஸ் கஞ்சி சொல்லுவாங்களே அதத்தான் அமெரிக்கா காரைங்க ஓட் மீல் அப்படீங்கிறாய்ங்க! ஆமா, உங்கள்ல (வயதானவர்கள் மற்றும் இளைஞர்கள்) எத்தன பேரு ஓட்ஸ் கஞ்சி அல்லது ஓட்ஸ்+பால் சாப்பிடுறீங்க? கண்டிப்பா, மிக குறைவான எண்ணிக்கையிலான இந்தியர்கள், குறிப்பா தமிழர்கள்தான் ஓட்ஸ் சாப்பிடுறாங்கன்னு நெனக்கிறேன்?!

ஏன்னா, ஒரு நீயா நானா விவாதத்துல பார்த்தேன். சரி அத விடுங்க, நாம மேட்டருக்கு வருவோம்…..

அதாவது, மேலே சொன்ன டோஸ்டு மாதிரியே இந்த ஓட்ஸ் கஞ்சியும் ரத்தத்துல இருக்குற சர்க்கரை அளவை அதிகப்படுத்தி, அந்த சர்க்கரை இன்சுலின் ஹார்மோன் சுரப்பதை தூண்டிவிட, அதன் விளைவாக உறக்கம் தூண்டும் மூளை ரசாயனங்கள் சுரந்து, கடைசியா…..

“உறக்கம் உன் கண்களை தழுவட்டுமே…… நிம்மதி நெஞ்சினில் மலரட்டுமே……”அப்படீன்னு நாம தூங்கிடலாம்னு சொல்றாங்க விஞ்ஞானிகள். (முக்கியமா ஓட்ஸுலயும் மெலடோனின் அதிகமா இருக்குதாமாம்!) என்ன முயற்சி செஞ்சி பார்க்குறீங்களா?

கதகதப்பான பால்!

உறக்கம் தரும் இயற்கை உணவுகள் தரவரிசையில நாம இன்னிக்கு பார்த்த, மேலே இருக்குற 4 உணவுகளுமே புதுசுதான். இல்லீங்களா?

ஆனா, கதகதப்பான பால் மட்டும் பழசுன்னு நெனக்கிறேன். ஆமாங்க, சின்ன வயசுலேர்ந்து “ஒரு டம்லர் பால் சாப்பிட்டு படுத்தா நல்லா தூக்கம் வரும்” அப்படீன்னு சொல்லிதான் நமக்கெல்லாம் அம்மா காய்ச்சின பாலை கொடுத்திருப்பாங்க, இல்லீங்களா?

ஆனா, நம்ம அம்மாவுக்கு அந்த பால்ல இருக்குற எந்த வேதியல் மூலப்பொருள் காரணமா நமக்கு தூக்கம் வருதுன்னு தெரிஞ்சிருக்க வாய்ப்பில்லை! இப்போ அம்மாவா இருக்குற உங்கள்ல பலருக்கு அந்த வாய்ப்பு நம்ம விஞ்ஞானிகள் மூலமா கிடைச்சிருக்கு.

ஆமாங்க, வாழைப்பழத்துல இருக்குற எல்-ட்ரிப்டோபான் அமினோ அமிலம் பாலிலும் இருக்கிறதாம். அதுதான் செரடோனின் உற்பத்தி மூலமா உறக்கம் வரவைக்குதாம். அதுமட்டுமில்லாம, பாலில் அதிக கால்சியம் இருப்பது உங்களில் பலருக்கு தெரியும்னு நெனக்கிறேன். இந்த கால்சியமும் உறக்கத்தை தூண்டும் அப்படீங்கிறாங்க விஞ்ஞானிகள்!

ஆக, உறக்கம் நல்லா வரனும்னா இனிமே யாரும் தூக்க மாத்திரைகள சாப்பிடாதீங்க. அதுக்கு பதிலா மேலே சொல்லியிருக்குற ஐந்து வகையான இயற்கை உணவுகளை சாப்பிட முயற்சி பண்ணுங்க, சரிங்களா? ஏன்னா, அவசியமில்லாம மாத்திரைகள சாப்பிடுறது உடலுக்கு கேடுதான்!

என்னங்க, திடீர்னு எல்லாரும் காணாமப் போய்ட்டீங்க?

ஓ……செர்ரி பழங்கள்ல ஆரம்பிச்சி பால் வரைக்கும் வீட்ல இருக்குதான்னு தேட ஆரம்பிச்சிட்டீங்களா? சரி சரி, இதையெல்லாம் சாப்பிட்டு நல்ல உறங்கி உடல் ஆரோக்கியத்தை பாதுகாத்துக்குங்க……!

நான் போய்ட்டு வரேன்…….

தொடர்புடைய சில பதிவுகள்:

ஆய்வு: வாரக்கடைசி தூக்கத்தால் “தூக்கக் கடனை” அடைக்க முடியாது!!

செக்ஸ் மர்மம்: “செக்சோம்னியா”, ஒரு வினோதமான (செக்ஸ்) நோய்?!

“அந்த” மரபனுவும் ஆபத்தில் நம் ஆயுளும்?!

மர்மம்: மனித மூளை குறித்த ‘வினோதமான’ மர்மங்கள்!

இந்தப் பதிவு உங்களுக்கு பிடிச்சிருந்தா கீழுள்ள தொடர்பை அழுத்தி, (இன்ட்லி கணக்கு ஒன்றை தொடங்கியபின், பத்மஹரி பக்கத்தில்) பதிவுகளின் இடது பக்கத்தில் இருக்கும் vote எனும்  ஆரஞ்சு வண்ண பொத்தானை அழுத்தி இன்ட்லியில் ஓட்டு போடுங்க……., நன்றி!

பதிவு பிடிச்சிருந்தா இன்ட்லியில ஒரு ஓட்டு போடுங்களேன்

மேலிருப்பான் தளம் உங்களுக்குப் பிடிச்சிருந்தா இங்கே அழுத்தி உங்கள் ஆதரவை தெரிவியுங்கள். நன்றி!

பொக்கிஷமாக நெஞ்சில் புதைந்த நினைவுகள் எல்லாம் நியாபகம் வருதே…..!!

அப்படீன்னு தொடங்குற சேரனின் ஆட்டோகிராப் படப் பாடல முனு முனுக்குறது நம்ம எல்லாருக்குமே பிடிக்கும்! இதுல ஆண்-பெண், பெரியவர்-சிறியவர் அப்படீங்கிற பாரபட்சமெல்லாம் கிடையாதுன்னு நெனக்கிறேன். ஆனா, நம்மளோட பழைய நினைவுகளை எல்லாம் நல்லா நியாபகம் வச்சிருந்தாதானே, அந்த நினைவுகளோட நியாபகம் வந்து இந்த மாதிரி நியாபகம் வருதே அப்படீன்னு பாட முடியும்?!

ஆமா, அதுக்கு என்ன இப்போ? அப்படீன்னுதானே கேட்க வர்றீங்க…….?!

அட, அதுலதாங்க சிக்கலே. அதுவும் பாரபட்சமா, முதிய வயதிலுள்ள ஆண்களுக்கு மட்டும் நினைவுகளை நியாபகம் வைத்துக்கொள்வதில் இருக்கிறது அப்படீன்னு சொல்லுது சமீபத்திய ஆய்வு ஒன்னு! அதாவது, சுமார் 70 வயதுக்கு மேலான ஆண்களுக்கு, நியாபக சக்தியும், சிந்திக்கும் திறனும் குறைந்துபோய்விடுகிறதாம். முக்கியமாக, இந்த குறைபாடானது பெண்களைக்காட்டிலும் சுமார் 1.5 தரம் அதிகமாக ஆண்களுக்கு மட்டுமே ஏற்படுகிறதாம்.

“என்ன கொடுமை சரவணன் இது” அப்படீங்கிற மாதிரியான இந்த பிரச்சினைய பத்தி ஆய்வாளர்கள் என்ன சொல்றாங்கன்னு இன்னும் விரிவா தெரிஞ்சிக்கலாம் வாங்க……

லேசான அறிவுத்திறன் குறைபாடு (Mild cognitive impairment)!

Image: Google

லேசான அறிவுத்திறன் குறைபாடு ( Mild cognitive impairment) அப்படீங்கிறது, பொதுவாக முதுமையடைதலால் ஏற்படும் நியாபக சக்தி மற்றும் சிந்திக்கும் திறன் குறைபாடுகளைக் காட்டிலும் அதிகமாக இருப்பதைக் குறிக்கும் ஒரு குறைபாடு! இந்த குறைபாடு காலப்போக்கில் நியாபக சக்தி குறைபாடு தொடர்பான ஒரு நோயான அல்ஷெய்மர்ஸ் நோயாக மாறிவிடும் என்கிறார்கள் மருத்துவர்கள்.

இது நோயாளிகளில் அல்லாமல், சமூகத்தில் வாழும் பொதுவான, 70 முதல் 89 வயதான சுமார் 2050 மக்களில் நடத்தப்பட்ட ஆய்வு என்பதும், இந்த ஆய்வில் ஆண்கள் மற்றும் பெண்களின் நியாபக சக்தி மற்றும் சிந்திக்கும் திறன்கள் ஆகியவை பரிசோதிக்கப்பட்டன என்பதும், இத்தகைய ஆய்வில் இதுவே முதல் ஆய்வு என்பதும் குறிப்பிடத்தக்கது என்கிறார் அமெரிக்காவின் மயோ க்ளீனிக் நிறுவனத்தின் இயக்குனர் ரொனால்டு பீட்டர்சன்!

மேலும், இந்த ஆய்வில், லேசான அறிவுத்திறன் குறைபாடானது ஆண்களில் 19% மற்றும் பெண்களில் வெறும் 14% மட்டுமே இருந்தது கண்டறியப்பட்டது. இந்த முடிவுகள் சரியானவை என்பது பிற ஆய்வுகள் மூலம் நிரூபிக்கப்பட்டால், இந்த குறைபாட்டில் பாலினத்தின் பங்கு இருக்கிறது என்பது சந்தேகத்துக்கு இடமின்றி நிரூபனமாகும் என்கிறார் பீட்டர்சன்!

உதாரணமாக, ஆண்களின் அறிவுத்திறனானது வாழ்க்கையின் தொடக்க காலங்களிலேயே குறையத்தொடங்கி மெதுவாக மேலும் மேலும் குறைந்துகொண்டே செல்லும். மாறாக, இந்த குறைபாடு பெண்களுக்கு வாழ்க்கையின் பிந்தைய காலங்களில் (தாமதமாக) தொடங்கி, டிமென்ஷியா போன்ற நோய்களாக விரைவில் மாறிவிடும் என்கிறார்!

இந்த ஆய்வில் சுவாரசியமான ஒரு கூற்றும் தெரியவந்துள்ளது. அது, இந்த ஆய்வில் பங்குபெற்ற குறைந்த படிப்பறிவு மற்றும் திருமணமே செய்துகொள்ளாத (பிரம்மச்சாரி) மக்களுக்கு லேசான அறிவுத்திறன் குறைபாடு ஏற்படும் விகிதாச்சாரம் மிகவும் அதிகமாக இருந்தது கண்டறியப்பட்டுள்ளது! 

இந்த ஆய்வில், நியாபக சக்தி மற்றும் அறிவுத்திறன் குறித்து தெரியவந்துள்ள இரு முக்கியமான விஞ்ஞான உண்மைகள்:

1. நியாபக சக்தியில் (முதிய வயதினரைப் பொறுத்தவரையில்) ஆண்களுக்கும் பெண்களுக்கும் வித்தியாசம் அல்லது பாலின வேற்றுமை இருக்கிறது. அதாவது ஆண்களுக்கு குறைவாகவும், பெண்களுக்கு சற்று அதிகமாகவும் இருக்கிறது.
2. வயதானவர்களில் சுமார் 25%  நியாபக சக்தி பிரச்சினைகள் மற்றும் டிமென்ஷியா குறைபாடுகள் இருப்பது தெரியவந்துள்ளதால், இவற்றுக்கான புதிய வகை சிகிச்சைகளை கண்டறிய வேண்டியது மிக மிக அவசியம் என்பது புலனாகிறது!

இந்த ஆய்வு மூலமா தெரியவந்திருக்கிற ஒரு ஆறுதலான செய்தி என்னன்னா, வயதான காலத்தில் ஏற்படும் இந்த லேசான அறிவுத்திறன் குறைபாட்டினை தவிர்க்க அல்லது சற்று தள்ளிப்போட ஒரு வழி இருக்கிறது எனபதுதான்! அது என்னன்னா, நம் வாசிக்கும் பழக்கத்தை அதிகப்படுத்திக்கொண்டு, கணக்குகள் போன்றவை போட்டு பழகுவதையும் அதிகப்படுத்திக்கொண்டோமானால், நியாபக சக்தி குறைபாட்டினை குறைத்து, தள்ளியும் போடலாம் என்பதுதான்.

என்னங்க, இனி நிறைய வாசித்து, கணக்குகள் போட்டு பழகலாமா…..?

தொடர்புடைய சில பதிவுகள்:

விஞ்ஞானம்: புத்திகூர்மைக்கான முத்தான 10 வழிகள்!!

அறிவை வளர்க்க “மூளை” மாத்திரைகள்?!

மர்மம்: மனித மூளை குறித்த ‘வினோதமான’ மர்மங்கள்!

மூளையை அழகாக்கும் உடற்பயிற்ச்சி தெரியுமா?!

அதிர்ச்சி: தொப்பையும் ‘டிமென்ஷியா’ நரம்புக்கோளாறும்!!

இந்தப் பதிவு உங்களுக்கு பிடிச்சிருந்தா கீழுள்ள தொடர்பை அழுத்தி, (இன்ட்லி கணக்கு ஒன்றை தொடங்கியபின், பத்மஹரி பக்கத்தில்) பதிவுகளின் இடது பக்கத்தில் இருக்கும் vote எனும்  ஆரஞ்சு வண்ண பொத்தானை அழுத்தி இன்ட்லியில் ஓட்டு போடுங்க……., நன்றி!

பதிவு பிடிச்சிருந்தா இன்ட்லியில ஓட்டு போடுங்க

மேலிருப்பான் தளம் உங்களுக்குப் பிடிச்சிருந்தா இங்கே அழுத்தி உங்கள் ஆதரவை தெரிவியுங்கள். நன்றி!

உதாரணமா சொல்லனும்னா,

“கழுதைக்கு தெரியுமா கற்பூர வாசனை”

“கடுகு சிறுத்தாலும் காரம் குறையாது”

“குரைக்கிற நாய் கடிக்காது”

“பாம்பின் கால் பாம்பறியும்”

இப்படி நம்மூர்ல நெறைய பழமொழி இருக்குது (எனக்கு இப்பொ நியாபகம் வந்தது இவ்ளோதான்…..ஹி ஹி). ஆனா இம்மாதிரியான பழமொழிகளில் இருக்கும் உண்மைகள்/அவற்றுக்கான விளக்கங்கள் நம்மில் பலருக்கு தெரியாதென்றே நினைக்கிறேன். தெரிஞ்சவங்க சண்டைக்கு வந்துடாதீங்கப்பா…….

இதே மாதிரி, நம்ம ஊர்ல வழக்கத்தில் இருக்குற, ஆனா அடிப்படையில் வேற்று நாட்டவர்களுடையதான பழமொழிகளும் சில உண்டு. உதாரணமா சொல்லனும்னா…..

“ஒரு நாளைக்கு ஒரு ஆப்பிள் மருத்துவரை தூர வைக்கும்” (An apple a day; keeps the doctor away)

எனக்கு பொதுவா பழமொழிகள் கேட்கும்போது, அது தொடர்பான உண்மைகள் அல்லது அவை உருவான காரணங்கள் பத்தி தெரிஞ்சிக்கனும்னு ஒரு ஆர்வம் பிறக்கும். அப்படித்தான் இந்த ஆப்பிள் பழமொழி பத்தி, ரொம்ப நாளா யோசிச்சிகிட்டே இருந்தேன். அதுமட்டுமில்லாம, இது நமக்கு தெரிஞ்ச மத்த பழமொழிகள் மாதிரி இல்ல. ஏன்னா, “கழுதைக்கு கற்பூர வாசனை தெரிஞ்சா நமக்கென்ன தெரியயலைன்னா நமக்கென்ன” அப்படீன்னு விட்டுட்டு போயிடலாம்.

ஆனா, ஒரு  நாளைக்கு ஒரு ஆப்பிள் சாப்பிட்டா, நெசமாவே(?) மருத்துவரை தூரத்திலேயே வச்சிடலாமான்னு தெரிஞ்சிக்கலைன்னா, என் தலையே வெடிச்சிடும் போல இருக்கும் சில சமயம்! என்னோட (என்னை மாதிரி இன்னும் பலரோட) இந்த பிரச்சினைக்கு ஒரு விஞ்ஞானப்பூர்வமான தீர்வு சொல்றதுக்குன்னு ஒரு ஆய்வு செஞ்சிருக்காங்க. அந்த ஆய்வு முடிவுகள் என்ன சொல்லுது அப்படீங்கிறதப்பத்தி தெளிவா தெரிஞ்சிக்க, புரிஞ்சிக்கத்தான் இந்த பதிவு! நான் ரெடி…..என்ன நீங்க ரெடியா?

இனி ஆப்பிள்னு சொன்னா மருத்துவர் அதிருவாரா?!

படம்: http://appleadayproject.wordpress.com/

உடல் ஆரோக்கியத்துக்கு நிறைய பழங்கள் சாப்பிடனும்னு நம்ம எல்லாருக்குமே தெரியும். ஆனா “அது ஏன் ஆப்பிள் மட்டும் சாப்பிட்டா மருத்துவரை தூர வைக்கலாமுன்னு சொல்றாங்க? ஆப்பிள்ல அப்படி என்னதான் இருக்கு?” அப்படீங்கிறதையெல்லாம் தெரிஞ்சிக்கனும்னு அமெரிக்காவின் ஃப்ளோரிடா மாநில பல்கலைக்கழக விஞ்ஞானி முனைவர் பஹ்ராம் அர்மாண்டி ஒரு ஆய்வு செஞ்சாரு……

45 முதல் 65 வயதான சுமார் 160 பெண்களை இரு பிரிவுகளாக பிரிச்சிக்கிட்டு, ஒரு பிரிவினருக்கு சுமார் ஒரு வருட காலத்துக்கு ஒரு நாளைக்கு 75 கிராம் என்ற கணக்கில் உலர்ந்த ஆப்பிள் உண்ணக் கொடுக்கப்பட்டது. ஆனால் மற்றொரு பிரிவினருக்கு உலர்ந்த ப்ரூன் வகை பழங்கள் உண்ணக் கொடுக்கப்பட்டது. அதன்பின்னர் 3-வது, 6-வது மற்றும் 12-வது மாதங்களில் இவ்விரு பிரிவினரின் ரத்தம் பரிசோதனை செய்யப்பட்டது.

பரிசோதனை முடிவுகளை பார்த்த ஆய்வாளர் அர்மாண்டிக்கு ஆச்சரியமோ ஆச்சரியம்!

ஏன்னு கேளுங்க……

ஏன்னா, உலர்ந்த ஆப்பிள் சாப்பிட்டு வந்த பெண்களுக்கு மட்டும் ஆப்பிள் சாப்பிட்ட 6 மாதங்களுக்கு பிறகு, அவர்களின் உடலிலுள்ள கெட்ட கொழுப்புச்சத்து என்றழைக்கப்படும் “எல்.டி.எல் கொலஸ்டிரால் (LDL cholesterol)” சுமார் 23% குறைந்துபோயிருந்ததாம். அடேங்கப்பா…..!!

என்ன அடேங்கப்பா, அதனால என்ன இப்போ? அப்படீன்னு நீங்க கேட்டீங்கன்னா……

கெட்ட கொலஸ்டிரால் மட்டுமல்லாது உடல் எடையையும் குறைக்கவல்லது ஆப்பிள்!!

இருதய நோய்கள் போன்றவற்றிற்கு முக்கிய காரணமான கெட்ட கொலஸ்டிராலை, 23% வரை குறைக்கவல்ல ஆப்பிளின் நற்குணம் அல்லது திறன் அத்தோடு நின்றுவிடவில்லை! மாறாக, உடலிலுள்ள கெட்ட கொலஸ்டிராலை 23% குறைக்கும் அதேசமயம், உடலிலுள்ள நல்ல கொலஸ்டிரால் என்றழைக்கப்படும் “ஹெச்.டி.எல் கொலஸ்டிராலை (HDL cholesterol)” சுமார் 4% அதிகரிக்கவும் செய்கிறதாம் இந்த ஆப்பிள். அப்படிப்போடு…..!!

தினமும் ஒரு ஆப்பிள் சாப்பிட்டா, ஒரே கல்லுல ரெண்டு மாங்காய் இல்லீங்க, மூனு மாங்காய் அடிக்கலாமாம்?! அட ஆமாங்க! கெட்ட கொலஸ்டிராலை குறைத்து கொஞ்சம் நல்ல கொலஸ்டிராலை அதிகப்படுத்தும் ஆப்பிள், இன்னொரு ஒத்தாசையும் செய்யுது நம்ம உடலுக்கு! அது என்னன்னா, உடலுக்கு சுமார் 240 கலோரிகளை கொடுக்கும் 75 கிராம் உலர்ந்த ஆப்பிளானது, அதை உண்டுவந்த பெண்களின் உடல் எடையை அதிகரிக்கவில்லையாம். மாறாக, சராசரியாக சுமார் 1.5 கிலோ உடல் எடையை குறைத்திருந்ததாம்!

“அட அட அட….., நாம இதுவரைக்கும் சாதாரணமா நெனச்சிக்கிட்டு இருந்த (?) ஆப்பிள்ல, இவ்வளவு சமாச்சாரம் இருக்குதா? இத நம்பவே முடியலையே……?!”

இப்படியெல்லாம் நீங்க சந்தேகப்படுவீங்கன்னு நல்லா தெரிஞ்சிதானோ என்னவோ, நம்ம ஆய்வாளர் அர்மாண்டி அய்யா, வெறும் 160 பெண்கள்ல செய்த இந்த ஆய்வை நாடுமுழுவதும் உள்ள மக்களைக்கொண்டு நாடுதழுவிய ஒரு ஆய்வாக தொடர முடிவு செஞ்சிருக்காரு. அதுக்கான முயற்சிகளையும் தொடங்கிட்டாருன்னா பார்த்துக்குங்க! சரி சரி, அவரோட ஆய்வுகள் வெற்றிபெற நம்மளோட வாழ்த்துக்கள தெரிவிச்சிடுவோம்…..வாழ்த்துக்கள் அர்மாண்டி அவர்களே!

ஆப்பிளோட இந்த உடல் எடையைக் குறைக்கும் திறனுக்கு அதிலுள்ள பெக்டின் என்னும் வேதிப்பொருளே காரணமாயிருக்கக்கூடும் அப்படீங்கிறாரு அர்மாண்டி!

ஆக, ஒரு நாளைக்கு ஒரு ஆப்பிள் சாப்பிட்டா, இருதய நோய், உடல் பருமன் உள்ளிட்ட ஒன்றுக்கு மேற்பட்ட நோய்களை தவிர்த்து மருத்துவரை தூர வைக்கலாம்னு அர்மாண்டி அவர்களோட ஆய்வு முடிவுகள் சொல்லுது. என்னங்க, இனி தினமும் ஒரு ஆப்பிள் மறக்காம சாப்பிடுவீங்கதானே? நான் முயற்சி பண்ணலாமுன்னு இருக்கேங்க…..நீங்க எப்படி?

கொசுறு தகவல்: எல்லாஞ்சரிதான், இந்த ஒரு நாளைக்கு ஒரு ஆப்பிள் மருத்துவரை தூர வைக்கும் அப்படீங்கிற பழமொழி (?) எப்படி, எந்த காரணத்துக்காக வந்ததுன்னு உங்கள்ல யாருக்காவது தெரியுமா? தெரிஞ்ச சொல்லுங்க……

நான் ஒரு க்ளூ வேணுமுன்னா தர்றேன். அது என்னன்னா, இந்த பழமொழி ஒரு வியாபார நோக்கத்துக்காக உருவாக்கப்பட்டது!

தொடர்புடைய சில பதிவுகள்:

ஆபத்து: மாரடைப்புக்கு பலியாகிக்கொண்டிருக்கும் இந்தியா!!

அதிர்ச்சி: ‘குள்ளமானவர்’களையே குறிவைத்துத் தாக்கும் ‘இருதய’ நோய்கள்?!

ஆச்சரியம்: உடல் எடையைக் குறை; நோய் எதிர்ப்பு சக்தியைக் கூட்டு?!

உயிரியல் கடிகாரமும் உடல் பருமனும்…..

இந்தப் பதிவு உங்களுக்கு பிடிச்சிருந்தா கீழுள்ள தொடர்பை அழுத்தி, (இன்ட்லி கணக்கு ஒன்றை தொடங்கியபின், பத்மஹரி பக்கத்தில்) பதிவுகளின் இடது பக்கத்தில் இருக்கும் vote எனும்  ஆரஞ்சு வண்ண பொத்தானை அழுத்தி இன்ட்லியில் ஓட்டு போடுங்க……., நன்றி!

பிடிச்சிருந்தா இன்ட்லியில ஓட்டு போடுங்க

மேலிருப்பான் தளம் உங்களுக்குப் பிடிச்சிருந்தா இங்கே அழுத்தி உங்கள் ஆதரவை தெரிவியுங்கள். நன்றி!

புற்றுநோய் குறித்த அறியாமையும், அவலநிலையும்!

புற்றுநோய் என்றால் என்ன? அப்படீங்கிற கேள்வியில ஆரம்பிச்சி, அது ஏன் உருவாகிறது, அதற்கான காரணங்கள் என்ன, உடல் ஆரோக்கியத்துக்கும் உயிர் வாழ்வதற்கும் அதனால் ஏற்படும் விளைவுகள் என்னென்ன இப்படி பலப்பல கேள்விகள் பத்தி நம்மில் பலருக்கு அக்கரையோ, ஆர்வமோ கிடையாது. அவற்றைத் தெரிந்துகொள்ள முயற்சிகளையும் எடுப்பதில்லை!

ஆனா, ஒருத்தருக்கு புற்றுநோய் வந்திருச்சி அப்படீன்னு யாராவது சொல்லிட்டா போதும், அங்கே முதல் ஆளா போய் நின்னு, என்னது அவருக்கு புற்றுநோயா? அப்படீன்னு ஒரு பேரதிர்ச்சியை முகத்துலயும் வார்த்தைகள்லேயும் வெளிப்படுத்தி,

“அடப் பாவமே…..! அவர் என்ன பாவம் பண்ணினாரோ தெரியலை. அவருக்கு புற்றுநோய் வந்திடுச்சி. புற்றுநோய்க்கு இதுவரைக்கும்/இன்னும் மருந்தே கண்டுபிடிக்கல (?). இனி என்ன செய்ய, அவரு இருக்கப்போறது 6 மாசமோ ஒரு வருஷமோ. அதுவரைக்கும் அவரை நல்லா பார்த்துக்குங்க” அப்படீன்னு சொல்லிட்டு போய்விடுகிறோம்.

“புற்றுநோயைப் பற்றிய அடிப்படை புரிதல் இல்லாம இருக்குறது கூட தப்பில்லைங்க. ஆனா, அந்த புற்றுநோயைப் பற்றி நமக்கு இருக்குற அரைகுறை அறிவை அடிப்படையா வச்சிக்கிட்டு, புற்றுநோய் குறித்த தவறான கருத்துகளை சமூகத்துல பரப்புறது மிகப்பெரிய தப்புங்க! இதை நாம எல்லாரும் புரிஞ்சிக்கிட்டு பொறுப்பா நடந்துக்க முயற்சிக்கனுமுங்க”

இப்படி குத்துமதிப்பா, யாரோ எங்கேயோ சொன்னது, சினிமாவுல பார்த்ததுலேர்ந்து தெரிஞ்ச அரைகுறை விவரங்களினடிப்படையில, தெரிஞ்சோ தெரியாமலோ ஒருத்தரோட வாழ்க்கையோட விளையாடிடுறாங்க நம்மில் பலர்! விளைவு, சம்பந்தப்பட்டவரின் புற்றுநோய் அவரின் உடல்நிலையை பாதிக்கிறதோ இல்லையோ, இம்மாதிரியான அவநம்பிக்கை, அரைகுறை அறிவின் வெளிப்பாடுகளாக வந்துவிழும் வார்த்தைகள், நோயாளியின் மனதை வெகுவாக பாதித்துவிடுகிறது.

இதனால், பல புற்றுநோயாளிகள் அவர்களின் புற்றுநோயின் நிலையை மருத்துவரை அணுகியெல்லாம் தெரிந்துகொள்ள முயற்சிப்பதில்லை. மாறாக அவர்களே குத்துமதிப்பாக ஒரு முடிவுக்கு வந்துவிடுகிறார்கள். அதாவது,

மருத்துவமனைக்கே செல்லாமல் உயிரை மாய்த்துக்கொள்ளும் புற்றுநோயாளிகள்!

“நாம இன்னும் ஆறு மாசமோ, ஒரு வருஷமோதான் உயிரோட இருப்போம்(?). அதுவரைக்கும் சந்தோஷமா இருந்துட்டு போவோமே! எதுக்கு இந்த விஷயத்தை போய் வீட்டுல இருக்குறவங்ககிட்ட சொல்லிக்கிட்டு, அவங்க சந்தோஷத்தையும் கெடுத்து, கடன் வாங்கியெல்லாம் செலவு செஞ்சுக்கிட்டு…..?! எப்படியிருந்தாலும் நம்ம புற்றுநோய் குணமாகப்போறதில்ல. ஏன்னா, எந்த புற்றுநோய்க்கும் (?) இன்னும் மருந்தே கண்டுபிடிக்கல(?). அப்புறம் ஏன் வீணா ஆஸ்பத்திரி ஆஸ்பத்திரியா அலைஞ்சுகிட்டு, வெட்டி செலவு செஞ்சுகிட்டு…..”

இப்படித்தான் நம்மில் பலர், பல மருத்துவமனைகளில் புற்றுநோய்க்கான தரமான சிகிச்சைகள் கிடைக்கும்போதும், தங்களைத் தாங்களே அறியாமையால் மாய்த்துக்கொள்கிறார்கள்! இது பேச்சுக்காக சொல்லும் கதையல்ல! அப்பட்டமான நிஜம்!!

“எனக்குத்தெரிந்த நண்பரொருவர், தனக்கு ஏற்பட்ட தொண்டைப்புற்றுநோயைப் பற்றி சுமார் ஒன்றரை வருட காலம் யாரிடமும் சொல்லாமல், எதேச்சையாக நண்பர்களுக்கு தெரிய வரும் வேளையில், புற்றுநோயின் மிக மிக முற்றிய நிலையில் அவர் இருக்க, அவரை வற்புறுத்தி உடனே  மருத்துவமனை அழைத்துச்சென்று பார்க்கும்பொழுது, அவருக்கு இன்னும் சில மாத காலமே வாழ்க்கை என்னும் துர்பாக்கிய நிலை தெரியவந்தது……”

ஆனால், தொண்டைப் புற்றுநோயின் யதார்த்தம் முற்றிலும் எதிர்மறையானது! அதாவது, தொண்டையில் பிரச்சினை என்று தெரிந்தவுடன் மருத்துவரை அணுகி பரிசோதித்து உண்மையை தெரிந்துகொண்டால், ஏற்பட்டிருப்பது புற்றுநோயென்றாலும், நோயின் ஆரம்ப நிலையிலும், சற்றே முற்றிய நிலையிலும் அதை முழுவதுமாக சரிசெய்து விட முடியும். அதற்கு இன்றைய மருத்துவ முன்னேற்றம் 100% உத்திரவாதமளிக்கிறது!

இதற்கு என்னதான் தீர்வு???

எனக்குத் தெரிந்தவரை இதற்கு ஒரே ஒரு தீர்வுதான் இருக்கிறது. அதுதான் புற்றுநோயைப் பற்றிய சமுதாய விழிப்புணர்வு! புற்றுநோய் என்றால் என்ன என்னும் அடிப்படை கேள்வி தொடங்கி, புற்றுநோய்களை எதிர்கொண்டு எப்படி வெற்றிகரமாக மீண்டு வருவது என்பது குறித்த புரிதல் வரையிலான அத்தனை விவரங்களையும் தெரிந்துகொள்வதுதான் புற்றுநோய் குறித்த சமுதாய விழிப்புணர்வு!

இத்தகைய விழிப்புணர்வினை ஏற்படுத்த வேண்டியது அரசாங்கம் மற்றும் ஊடகத்துறையின் கடமை! ஆனால் யதார்த்தம் என்னவென்றால், புற்றுநோயை விட குறைவான எண்ணிக்கையில் உயிர்பலி கொண்டுவரும் எய்ட்ஸ் நோய்க்கு இருக்குமளவு விழிப்புணர்வு (அதான் உங்களுக்கு புள்ளிராஜாவுல ஆரம்பிச்சி தில்லுதுற வரைக்கும் நல்லா தெரியுமே!) புற்றுநோய்க்கு இல்லை என்பதுதான்!

இத்தகைய விழிப்புணர்வை தன்னார்வ தொண்டு நிறுவனங்கள் மற்றும் சில மருத்துவமனைகள் செய்துவருகின்றன என்றாலும் பலனொன்றும் பெரிதாக இல்லை என்பதே உண்மை. சில ஆண்டுகளுக்கு முன்பு சில ஆயிரமாக இருந்துவந்த புற்றுநோய் இறப்புகள் இன்று பல லட்சங்களாக உயர்ந்து நிற்பதே அதற்கு சான்று. காரணம், புற்றுநோய் குறித்த பெரும்பாலான நூல்கள், பிரசுரங்கள் என எல்லாமே ஆங்கிலத்தில் இருப்பதுதான். தமிழில் புற்றுநோய் குறித்த விளக்கமான நூல்கள் மிக மிக குறைவு.

அதிலுள்ள வெற்றிடத்தை சிறிதளவேனும் நிரப்பிவிடும் முயற்சியாக எழுதப்பட்டதுதான் “ஏன் உருவாகிறது புற்றுநோய்” என்னும் தலைப்பிலான என்னுடைய புதிய நூல்! இதில் புற்றுநோய் குறித்த அடிப்படை புரிதல், புற்றுநோய் ஏற்படுவதற்கான காரணங்கள், புற்றுநோயினால் உண்டாகும் உபாதைகள், புற்றுநோய்களை கண்டறியும் முன்பரிசோதனைகள், புற்றுநோய்களுக்கான நவீன சிகிச்சைகள், புற்றுநோய்களை தவிர்க்க பின்பற்றவேண்டிய வழிமுறைகள் மற்றும் புற்றுநோய் தொடர்பான பல மர்மங்கள்  எனப் பல விவரங்களை, மிகவும் எளிமையாக எடுத்துச்சொல்ல முயன்றிருக்கிறேன்…….

“ஏன் உருவாகிறது புற்றுநோய்? எதிர்கொள்வது எப்படி?” நூலுக்கான எனது முன்னுறை…..

பிறப்பு, வளர்ச்சி, வளர்ச்சியுடன் பின்னிப்பிணைந்த குணாதீசியங்கள், திறன்கள், குறைபாடுகள் மற்றும் இறப்பு என எல்லாம் ஒன்றோடொன்று இரண்டறக்கலந்த மனிதனின் தினசரி வாழ்க்கையை, அவிழ்க்கப்படாத பல மர்ம முடிச்சுகள் ஆட்சி செய்துகொண்டிருக்கின்றன. மனிதனைத்தாக்கும் உயிர்கொல்லியான புற்றுநோயும் அதற்கு விதிவிலக்கல்ல!

ஒரு குடும்பத்தில் நான்கு பிள்ளைகள். அந்த நான்கில் மூன்று பேர் பெற்றோர், ஆசிரியரின் சொற்படி நல்வழிப்பாதையில். ஆனால் ஒரு பிள்ளை மட்டும் ஏனோ தவறான பாதையில் தறிகெட்டு போய்விடுகிறது! அதற்கு காரணம், பிள்ளை வளர்ப்பில் பெற்றோரின் கவனக்குறைவு, கூடா நட்பு, ஊழ்வினைப்பயன், முன்ஜென்ம பாவ புண்ணியம் அல்லது மனிதனின் சிற்றறிவுக்கு எட்டாத வேறு ஏதோ ஒரு காரணம் என எதுவாக வேண்டுமானாலும் இருக்கலாம். ஒரு குடும்பத்து பிள்ளைகளில் தவறிப்போன ஒரு பிள்ளைபோல, ஒரு உயிரணு குடும்பத்தில் தவறிப்போய் தறிகெட்டு வளரும் ஒரு உயிரணுதான் இந்த புற்றுநோய் உயிரணு/புற்றணுவும்! ஒரு ஆரோக்கியமான உயிரணு ஏன், எப்படி புற்றணுவாகிறது? அதை எதிர்கொள்வது எப்படி என்பன போன்ற பல்வேறு வினாக்களுக்கு தெளிவாக விடை சொல்ல முயற்சித்துள்ளேன்.

புற்றுநோய் குறித்த அடிப்படை புரிதல், பல நூல்கள் வாசித்த அனுபவம், ஆய்வனுபவம் மற்றும் ஆய்வறிக்கைகளின் முடிவுகளிலிருந்து, கவனமாக தொகுக்கப்பட்ட தகவல்கள் என ஒரு வருடக் கால உழைப்பில் உருவான கலவைதான் இந்த நூல்!

இந்நூல் எழுத வாய்ப்பளித்த பிளாக்ஹோல் மீடியா பப்ளிகேஷன் லிமிடெட் நிறுவனத்திற்கு எனது மனமார்ந்த நன்றி. எனது முந்தைய நூலான “பாலியல்-இன்றைய ஆய்வுகள் கூறுவது என்ன?” எனும் தலைப்பில் வெளிவந்த நூலிற்கு வாசகர்கள் வழங்கிய வரவேற்பிற்கும், அதேபோல் இ ந் நூலினை வாசிக்கத் தொடங்கியிருக்கும் தங்களுக்கும் இத்தருணத்தில் நன்றி கூறுகிறேன்.

அன்புடன்,

பத்மஹரி.

எனது வேண்டுகோளாக சில வரிகள்…..

இது வியாபார நோக்கத்தோடு எழுதப்பட்ட நூலல்ல! முழுக்க முழுக்க புற்றுநோய் குறித்த அறியாமையை அகற்றி, அது குறித்த ஒரு விழிப்புணர்வை ஏற்படுத்தும் நோக்கத்தோடு எழுதப்பட்ட நூல்! புற்றுநோய் குறித்த விழிப்புணர்வால் ஒவ்வொரு வருடமும் பல லட்சம் உயிர்களை நம்மால் காப்பாற்ற முடியும் என்பது நிதர்சனமான உண்மை! அதை நோக்கிய பயணத்தில் எனக்கு உதவுங்கள்……

இந்நூல் குறித்த செய்தியை உங்கள் நண்பர்கள், உற்றார் உறவினர்களுடன் பகிர்ந்து, இந்த நூல் பலரை சென்றடைந்து, புற்றுநோய் குறித்த ஒரு அடிப்படை புரிதலும், சமுதாய விழிப்புணர்வும் ஏற்பட உதவுங்கள்!

இந்நூல் வேண்டுவோர் தொடர்பு கொள்ள வேண்டிய முகவரி:

Blackhole Media  Publication Limited,

No.7/1, 3-rd Avenue, Ashok nagar,

Chennai-600 083. India

மின்னஞ்சல்: admin@blackholemedia.in

செல்பேசி: +91 9600123146, +91 9940015085 

Website: http://blackholemedia.in/

தொடர்புடைய சில பதிவுகள்:

செக்ஸ்: “பாலியல், இன்றைய ஆய்வுகள் கூறுவது என்ன?”, வாங்கிவிட்டீர்களா?

பதிவர் எழுதிய நூல் – ஒரு அறிமுகம்

நூல் பார்வை : பாலியல் – இன்றைய ஆய்வுகள் கூறுவது என்ன ?

பாலியல் – இன்றைய ஆய்வுகள் கூறுவது என்ன? – பத்மஹரி மென்நூல் தரவிரக்கத்துடன்

இந்தப் பதிவு உங்களுக்கு பிடிச்சிருந்தா கீழுள்ள தொடர்பை அழுத்தி, (இன்ட்லி கணக்கு ஒன்றை தொடங்கியபின், பத்மஹரி பக்கத்தில்) பதிவுகளின் இடது பக்கத்தில் இருக்கும் vote எனும்  ஆரஞ்சு வண்ண பொத்தானை அழுத்தி இன்ட்லியில் ஓட்டு போடுங்க……., நன்றி!

பிடிச்சிருந்தா இன்ட்லியில ஓட்டு போடுங்க

மேலிருப்பான் தளம் உங்களுக்குப் பிடிச்சிருந்தா இங்கே அழுத்தி உங்கள் ஆதரவை தெரிவியுங்கள். நன்றி!

]]> http://padmahari.wordpress.com/2011/06/13/%e0%ae%8e%e0%ae%a9%e0%af%8d%e0%ae%a9%e0%ae%a4%e0%af%81-%e0%ae%85%e0%ae%b5%e0%ae%b0%e0%af%81%e0%ae%95%e0%af%8d%e0%ae%95%e0%af%81-%e0%ae%aa%e0%af%81%e0%ae%b1%e0%af%8d%e0%ae%b1%e0%af%81%e0%ae%a8%e0%af%8b/feed/ 6 புற்றுநோய் நூல் padmahari புற்றுநோய் நூல் http://padmahari.wordpress.com/2011/06/07/%e0%ae%95%e0%af%81%e0%ae%9f%e0%ae%b2%e0%af%81%e0%ae%95%e0%af%8d%e0%ae%95%e0%af%81%e0%ae%b3%e0%af%8d-%e0%ae%95%e0%af%8b%e0%ae%9f%e0%ae%bf%e0%ae%95%e0%af%8d%e0%ae%95%e0%ae%a3%e0%ae%95%e0%af%8d%e0%ae%95/ http://padmahari.wordpress.com/2011/06/07/%e0%ae%95%e0%af%81%e0%ae%9f%e0%ae%b2%e0%af%81%e0%ae%95%e0%af%8d%e0%ae%95%e0%af%81%e0%ae%b3%e0%af%8d-%e0%ae%95%e0%af%8b%e0%ae%9f%e0%ae%bf%e0%ae%95%e0%af%8d%e0%ae%95%e0%ae%a3%e0%ae%95%e0%af%8d%e0%ae%95/#comments Tue, 07 Jun 2011 08:37:26 +0000 padmahari http://padmahari.wordpress.com/?p=6332 ]]> நம்ம எல்லாருக்குமே நல்லா தெரியும் “சுத்தம் சோறு போடும்” அப்படீன்னு! ஆனா, அந்த சுத்தத்துக்கு முதல் எதிரி கிருமிகள். கிருமிகள்னா கண்ணுக்கு தெரியுற கிருமிகள் மட்டுமில்ல, கண்ணுக்கு தெரியாத நுண்ணுயிர்களான புழுக்கள், பாக்டீரியா மற்றும் வைரஸ் இதெல்லாம் சேர்த்துத்தான்.

நமக்கு பிடிச்சாலும் பிடிக்கலைன்னாலும், நம்ம உடலோட ஒட்டி உறவாடுற நுண்கிருமிகள்ல முதன்மையானது பாக்டீரியாக்கள்தான். ஏன்னா, நம்ம உடலின் தொடக்கமான தலைகள்ல ஆரம்பிச்சு கால்கள் வரைக்கும் மிகவும் அதிகப்படியான எண்ணிக்கையில், 24 மணி நேரமும் நமக்கு தெரியாமலேயே நம்முடலுடன் ஒட்டி உறவாடுகின்றன இந்த பாக்டீரியாக்கள்.

இந்த பாக்டீரியாக்கள்கிட்ட என்ன பிரச்சினைன்னா, “சரி பாக்டீரியாக்கள் உடம்புக்கு கெடுதல்தானே”ன்னு மருந்துகள பயன்படுத்தி உடலிலுள்ள மொத்த பாக்டீரியாக்களையும் அழிச்சுட முடியாது. அப்படி அழிச்சிட்டாலும் அதுவும் நமக்கு கெடுதல்தான்.

“என்னடா இவன், இப்படியும் சொல்றான் அப்படியும் சொல்றானே, ஒரே குழப்பமா இருக்குதே”ன்னு யோசிக்கிறீங்களா?

உண்மைதான். சரி, ஏன் பாக்டீரியாக்கள் எல்லாத்தையும் அழிக்க கூடாதுன்னு கொஞ்சம் விளக்கமா பார்க்கலாம் வாங்க……

அதுக்கு முன்னாடி பாக்டீரியா பத்தின இந்த பதிவை படிச்சிடுங்க!

அதாவது, மனித உடலுடன் தொடர்புடைய பாக்டீரியாக்கள்ல இரண்டு வகை உண்டு. ஒன்னு, மனித உடலிலுள்ள உணவிலிருந்து சத்துக்களை சாப்பிட்டுவிட்டு, மனித உடலின் ஆரோக்கியத்துக்காக பல ரசாயன மாற்றங்களை செய்யும் “நல்ல பாக்டீரியா“. இவை நம் எல்லாருடைய குடலிலும் இருக்கின்றன. இவற்றுக்கு ஆங்கிலத்தில் Gut microflora என்று பெயர். குடலிலுள்ள இவற்றின் எண்ணிக்கை என்ன தெரியுமா? உங்களில் யாருக்காவது தெரிஞ்சா மறுமொழி சொல்லுங்க பார்ப்போம்.

இரண்டாவது வகை, சுற்றுச்சூழலிலிருந்து பல வழிகளில் மனித உடலுக்குள் ஊடுருவி, மனித உணவின் எச்சங்களை உண்டுவிட்டு, அதே மனித உடலுக்கு குடற்புண் (அதாங்க அல்சர்!) உள்ளிட்ட பல்வேறு நோய்களை தோற்றுவிக்கும் குணாதீசியம் கொண்ட “கெட்ட பாக்டீரியா“! அதாங்க இந்த, “உண்ட வீட்டுக்கே ரெண்டகம் பண்றது” அப்படீன்னு சொல்லுவாங்களே அந்த வேலையை பொறுப்பா செய்யுற ரொம்ப ரொம்ப கெட்ட பாக்டீரியா.

சரி, இப்போ உங்களுக்கு, “பாக்டீயாக்கள் எல்லாமே கெட்டது இல்ல, அதுல நல்ல பாக்டீரியாக்களும் இருக்கு. அதுவும் நம்ம குடலுக்குள்ள ஒரு ஓரத்துல (?), நாம சாப்பிடுற சாப்பாட்டுல இருக்குற மிச்சம் மீதிய சாப்பிட்டுட்டு, நமக்கு நல்லதுதான் செய்யுது” அப்படீன்னு தெரியும் இல்லீங்களா.

இனி, நம்ம குடலுக்குள்ள இருந்து நல்லது செய்யுற அந்த பாக்டீரியாக்கள் அப்படி என்னதான் நல்லது செய்யுது, அந்த நல்லதுனால நமக்கு/நம்ம உடலுக்கு என்னென்ன நன்மைகள்/தீமைகள் இருக்குன்னு, சமீபத்திய ஒரு ஆய்வு முடிவுகளோட வெளிச்சத்துல கொஞ்சம் விரிவா பார்ப்போம் வாங்க……

குடலுக்குள்ளே பாக்டீரியாக்கள்: உண்ட வீட்டுக்கே ரெண்டகமா?!

"குடல்வாழ் பாக்டீரியா"

நம்ம ஒவ்வொருத்தரோட குடலுக்குள்ளேயும் சுமார் 1000 ட்ரில்லியன் பாக்டீரியாக்கள் குடியும் குடித்தனமுமா இருக்குதாமாம். என்ன, “ஐயய்யோ, என் குடலுக்குள்ளே இவ்வளவு பாக்டீரியாக்களா?” அப்படீன்னு அரண்டு துள்ளிக்குதிக்கிறீங்களா? ஒன்னும் கவலைப்படாதீங்க, எல்லாம் நம்ம கூட்டாளிங்கதான்னு சொல்ல முடியாதுன்னாலும், அதுல முக்கால்வாசி பாக்டீரியாக்கள் நமக்கு நல்லதுதாங்க செஞ்சிக்கிட்டு இருக்குங்க…..

உதாரணமா,

• நாம உண்ணும் உணவிலிருக்கும் சக்தியை பிரித்தெடுப்பது
• நம்ம உடலை தொற்றுக்கிருமிகளிடமிருந்து பாதுகாப்பது
• குடல் உயிரணுக்களுக்கு போஷாக்குகளை அனுப்புவது

இப்படி நம்ம உடல் ஆரோக்கியத்துக்கு அவசியமான பல வினைகளைத்தான் செய்கின்றன பெரும்பான்மையான குடல்வாழ் பாக்டீரியாக்கள். இப்படி நல்லது செஞ்சுக்கிட்டிருக்கிற பாக்டீரியாக்கள, தெரிஞ்சோ தெரியாமலோ நாம தொந்தரவு செஞ்சுட்டா, உதாரணமா நுண்ணுயிர்கொல்லிகளான ஆண்டிபயாட்டிக் மருந்துகள் சாப்பிட்டால், இம்மருந்துகள் குடல் பாக்டீரியாக்களைக் கொன்று, குடலுக்குள் ஒரு கலவரமான நிலையை உருவாக்கிவிடுகின்றன. அதுமட்டுமில்லாம, சூப்பர் கிருமி என்றழைக்கப்படும் Clostridium difficile எனும் பாக்டீரியாவினால் உருவாகும், உயிருக்கே ஆபத்தான காலிட்டிஸ் நோய்கூட தோன்றிவிடக்கூடுமாம். யப்பாடி…..!

அதெல்லாம் பழைய கதைங்க, இப்போ புதுசு கண்ணா புதுசு அப்படீங்கிற மாதிரியான மேட்டர் என்னன்னு கேட்டீங்கன்னா…..

குடல்வாழ் பாக்டீரியாக்களும் மூளை கோளாறுகளும்!

இதுவரைக்கும், குடல்வாழ் பாக்டீரியாக்கள் உடல் ஆரோக்கியம் சார்ந்த குறைபாடுகளான குடல் நோய்கள் போன்றவற்றை மட்டுமே உருவாக்கக்கூடியவை அப்படீன்னு நெனச்சிக்கிட்டு இருந்தாங்க ஆய்வாளர்கள். ஆனா, குடல்வாழ் பாக்டீரியாக்கள் குடல் நோய்கள் மட்டுமில்லாம, மூளையில் நிகழும் பல வேதியல் மாற்றங்களை பாதித்து, பழக்கவழக்கம் சார்ந்த குறைபாடுகள் மற்றும் உளவியல் நோய்கள் போன்றவற்றையும் உருவாக்கக்கூடியவை அப்படீன்னு கண்டுபிடிச்சிருக்காங்க கனடா நாட்டின் மெக்மாஸ்டர் பல்கலைக்கழக விஞ்ஞானிகள்!

ஐயய்யோ, இது என்ன புதுசா ஒரு குண்டைத் தூக்கி போடறாங்களே இவிய்ங்க அப்படீன்னு யோசிக்கிறீங்களா?

உண்மைதாங்க. குடல்வாழ் பாக்டீரியாக்களின் சமநிலை, எண்ணிக்கை மற்றும் இயல்பு வாழ்க்கை ஆகியவற்றை பாதிக்கும் கிருமி தொற்றுகள் மற்றும் நுண்ணுயிர்கொல்லி மருந்துகளான ஆண்டிபயாட்டிக்ஸ் மருந்துகளால், குடல் தொடர்பான நோய்கள் மட்டுமே ஏற்படும் என்னும் இதுவரையிலான நம்பிக்கை பொய்யாகிவிட்டது! மாறாக, குடல்வாழ் பாக்டீரியாக்களின் இயல்பு வாழ்க்கை பாதிக்கப்பட்டால், மூளை சம்பந்தமான குறைபாடுகளான பழக்கவழக்க மாற்றங்கள், மனச்சோர்வு மற்றும் படபடப்பு ஆகியவையும் ஏற்படும் என்பது ஆதாரப்பூர்வமாக நிரூபிக்கப்பட்டுள்ளது!

அதெல்லாம் சரி, இந்த ஆய்வினால நமக்கு வேற என்ன நன்மைகள் இருக்கு? அப்படீன்னு கேட்டீங்கன்னா……

இருக்குங்க! அப்படீன்னு சொல்றாரு இந்த ஆய்வை மேற்கொண்ட ஆய்வாளர் ப்ரிமைல் பெர்சிக். அதாவது, குடல்வாழ் பாக்டீரியாக்களின் சமநிலை எந்த வகையிலாவது பாதிக்கப்பட்டால், அதை மீட்டுக்கொண்டுவர சில மருத்துவ வழிமுறைகள் உண்டு. அவற்றுள் ப்ரோபயாட்டிக்ஸ் என்றழைக்கப்படும், உயிருள்ள பாக்டீரியாக்களை உட்கொள்ளும் முறையும் அடக்கம். குடல்வாழ் பாக்டீரியாக்களின் சமநிலை பாதிப்படைவதால் உண்டாகும் முளை சார்ந்த குறைபாடுகளை களைய, ப்ரோபயாட்டிக்ஸ் மருத்துவ முறையை கையாள்வது நல்ல முயற்சியாக இருக்குமா, நல்ல பலனை தருமா என்னும் கோணங்களில் பல்வேறு ஆய்வுகளை மேற்கொள்ள இந்த ஆய்வு முடிவுகள் வழிவகுத்துள்ள அப்படீங்கிறாரு பெர்சிக்.

அட பரவாயில்லையே அப்படீங்கிறீங்களா, இல்ல அட போங்கப்பா அப்படீங்கிறீங்களா? எதுவாயிருந்தாலும் ஒரு ரெண்டு வரி மறுமொழி எழுதி சொல்லிட்டு போயிடுங்க……

தொடர்புடைய சில பதிவுகள்:

99% மனித மரபனுக்கள் எல்லாம் பாக்டீரியாக்களுடையது?!

உங்க “பாக்டீரியா கையெழுத்து” தெரியுமா உங்களுக்கு?!

டாஸ்மாக்குக்கு, தண்ணியடிக்க போன “வைரஸ்” தீவிரவாதி!

“சிந்த்தியா”, விஞ்ஞான உலகின் அட்டகாசமான ‘செயற்கை’ புதுவரவு!!

இந்தப் பதிவு உங்களுக்கு பிடிச்சிருந்தா கீழுள்ள தொடர்பை அழுத்தி, (இன்ட்லி கணக்கு ஒன்றை தொடங்கியபின், பத்மஹரி பக்கத்தில்) பதிவுகளின் இடது பக்கத்தில் இருக்கும் vote எனும்  ஆரஞ்சு வண்ண பொத்தானை அழுத்தி இன்ட்லியில் ஓட்டு போடுங்க……., நன்றி!

பிடிச்சிருந்தா இன்ட்லியில ஓட்டு போடுங்க

மேலிருப்பான் தளம் உங்களுக்குப் பிடிச்சிருந்தா இங்கே அழுத்தி உங்கள் ஆதரவை தெரிவியுங்கள். நன்றி

ஊருக்கு போய்ட்டு வந்தோமே, சரி ஒரு பதிவு போட்டு வேர்டுப்றஸ் வலையகத்துல ஒரு அட்டென்டன்ஸ் போட்டுடலாம்னு பார்த்தா, அது ஒரு விழிப்புணர்வு பதிவா ஆகிப்போச்சு! அதனால நீங்க ஒன்னும் ஃபீல் பண்ணாதீங்க, இதுலயும் நிறைய சுவாரசியங்கள் இருக்குங்க! வாங்க அது என்னன்னு பார்ப்போம்…..

அணு உலை பாதிப்பிலேர்ந்து ‘வெற்றிகரமா’ தப்பிச்சு(?), கொஞ்ச நாளைக்காவது நிம்மதியா இருக்கலாமுன்னு இந்தியா பக்கம் வந்தா, வந்து இறங்கின உடனே “வாப்பா வா, வந்துட்டியா? உன்னத்தான் ரொம்ப நாளா எதிர்ப்பார்த்துக்கிட்டு இருந்தேன்” அப்படீன்னு சொல்லாத குறையா வரவேற்ற நம்ம ஊரு உச்சி வெயில்ல ஆரம்பிச்சு, ஒரு ரூபாய் பொருளுக்குக்கூட M.R.P-க்கு மேல 50 காசு அதிகமா விலைவச்சி மக்கள அடிக்காம காசு பிடுங்குற சில்லரை/மொத்த விலை கடைக்காரர்கள்/வியாபாரிகள், எந்த வேலை செய்யனும்னாலும் கிம்பலம் எதிர்பார்க்குற அரசு ஊழியர்கள் இப்படி ஒவ்வொருத்தர்கிட்டயும் மல்லு கட்டி மல்லு கட்டியே ஒரு மாத கால விடுமுறை முடிஞ்சு போச்சு!

இதுக்கு இடையில, கருணாநிதி நாட்டை கொள்ளையடிச்சிட்டாரு அதனால அம்மாவுக்குத்தான் ஓட்டு போடனும், அப்பத்தான் தமிழ்நாட்டுக்கு விடிவுகாலம்(?) பொறக்கும்னு தேர்தல் இம்சைகள் செஞ்சுக்கிட்டிருந்த ‘அறிவுஜீவி’ பொதுஜனத்தோட தொல்லைகள் வேற பெருந்தொல்லையா இருந்துச்சி. அதுக்கெல்லாம் முற்றுப்புள்ளி வைக்கிற மாதிரி (தேர்தல் முடிவுகள 15 நாட்கள் கழித்து வெளியிடுவது போன்ற) நடவடிக்கைகள் எடுத்த தேர்தல் கமிஷன் அதிகாரி பிரவீன் குமார் ஒரு பெரிய ஆறுதல்! டி.என் சேஷனுக்கு அப்புறம் அரசியல்(வியா?)வாதிகளுக்கு ஒரு சிம்ம சொப்பனமா இருக்குற இன்னொரு அதிகாரியா பிரவீன் குமார் இருக்குறது, “தமிழ்நாட்டுக்கு நல்லா காலம் பொறக்குது, நல்ல காலம் பொறக்குது”ன்னு குடுகுடுப்பைக்காரன் சொல்ற மாதிரிதான் தோணுச்சி எனக்கு!

சொந்த வேலைகள் காரணமா பெருசா ஊர் சுத்தி பார்க்க முடியலைன்னாலும், அம்மா மற்றும் குடும்பத்தினரோட சாவகாசமா பேசி, சாப்பிட்டு பொழுதைக் கழிக்க முடிஞ்சது ஒரு பெரிய சந்தோஷம். முக்கியமா சில நெருங்கிய நண்பர்கள் (வலை நண்பர்கள் உட்பட) மற்றும் என்னோட முதல் நூலை வெளியிட்ட ப்ளாக்ஹோல் மீடியா பதிப்பக ஆசிரியர் மற்றும் ஊழியர்கள சந்திச்சது ஒரு பெரிய சந்தோஷமான நிகழ்வு. அதுமட்டுமில்லாம, பதிப்பக ஆசிரியர் யாணன் மற்றும் எழுத்தாளர் சேவியர் அவர்களுடன் உரையாடியது ஒரு இனிமையான நிகழ்வு!

இப்படி அங்கேயும் இங்கேயுமா ஒரு மாத கால விடுமுறை கழிந்து, ரொம்ப நாளா பணி நிறுத்தம்/ஸ்டரைக் செஞ்ச ஏர் இந்தியா அலுவலகத்துல, நான் போகப்போற விமானம் குறித்த தகவல்கள கேட்டு, அதில் எந்த மாற்றமுமில்லை அப்படீங்கிறத முன்கூட்டியே நல்லா ஊர்ஜிதப்படுத்திக்கிட்டு, சரி கெளம்பலாம்னு ஆயத்தமாகிகிட்டு இருந்தா, கெளம்புற அன்னிக்கு 9 மணிக்கு தொலைபேசியில ஏர் இந்தியா அலுவலகத்துல இருந்து ஒரு அழைப்பு. என்னடான்னு கேட்டா, நீங்க போகவிருந்த 6.10 மணி விமானம் கேன்சல் ஆகியிடுச்சி. அதுக்கு பதிலா 12.30 மணிக்கு ஒரு விமானம் இருக்கு, அதுலதான் நீங்க போயாகனும். அதத்தவிர வேற வழியில்லைன்னு ஒரு குண்டைத்தூக்கி போட்டாங்க!

என்ன இப்படி திடீர்னு வந்து சொல்றீங்க? இதையெல்லாம் முன்கூட்டியே சொல்ல மாட்டீங்களா? இதெல்லாம் சரியில்லீங்க அப்படி இப்படி காச் மூச்னு ஒரு பரேடு கட்டிட்டு, சரி போகட்டும்னு அரக்க பரக்க கெளம்பி ஒரு வழியாக 11.45க்கு விமான நிலையம் வந்து சேர்ந்தேன். அங்க இருந்த கவுண்டர்ல ரெண்டு சவுண்டு விட்டுட்டு, போர்டிங் பாஸ் வாங்கி, தமிழகத்துக்கு ஒரு பிரியா விடையை குடுத்துட்டு, விமானத்துல ஏறி அப்பாடான்னு உக்காந்தாச்சு!

AVA நிறுவனமும், அன்பளிப்பென்னும் பகல்கொள்ளையும்! உஷாரைய்யா உஷாரு…..

சரி, விமானத்துலதான் ஏறி உக்கார்ந்துட்டோமே இனிமே ஒன்னும் பிரச்சினையில்லைன்னுதான் நானும் நெனச்சேன். ஆனா, அப்படி நெனச்சிக்கிட்டு இருக்கும்போதுதான் அந்த நெனப்பு மேல மண்ணு விழுந்தமாதிரி, விமானத்துல கொடுத்த உணவோட வந்து விழுந்தது AVA Gift coupon அப்படீன்னு அச்சடிக்கப்பட்டிருந்த ஒரு அட்டை! என் நெனப்புல ஏன் மண்ணு விழுந்ததுன்னு மேல படிச்சீங்கன்னா உங்களுக்கே நல்லா புரியும்!

பொதுவா நாம எல்லோரும் இலவசமா கொடுத்தா எதை வேணும்னாலும் வாங்குவோம். பத்தும் பத்தாததுக்கு நம்ம கலைஞரோட தாராள ஆட்சியில இலவசத்தை அள்ளி அள்ளி வேற கொடுத்து இலவசத்துக்கு ஒரு ‘மரியாதையே’ வந்து போச்சு இப்பெல்லாம்?!

சரி, அன்பளிப்புதானேன்னு அட்டையை பிரிச்சா, அது ஒரு சுரண்டல் அன்பளிப்பு போலிருக்கு. அட அதாங்க ஸ்க்ராட்ச் கார்டு! சரி சுரண்டி பார்ப்போமேன்னு சுரண்டினேன். அட, இங்க பார்ரா. ரூ.4000 மதிப்புள்ள(?) Paul Phillipe அப்படீங்கிற ஒரு பிரபல ப்ராண்டட் கைக்கடிகாரம் அல்லது ஒரு முத்து மாலை எனக்கு பரிசா கெடைக்கப்போகுதுன்னு போட்டிருந்தது அதுல! சரி, நமக்கும் கொஞ்சம் அதிர்ஷ்டம் இருக்கத்தான் செய்யுது அப்படீன்னு மேற்கொண்டு விவரத்தைப் படிச்சா, அந்த அன்பளிப்பை வாங்க, வரியாக ரூ.499 செலுத்தி பெற்றுக்கொள்ளவும் அப்படீன்னு போட்டிருந்தது.

சரி, ரூ.4000 மதிப்புள்ள ஒரு கைக்கடிகாரத்துக்கு, வெறும் ரூ.499 வரியா கொடுக்குறதுல என்ன தப்புன்னு (பகுத்தறிவைப் பயன்படுத்தி?) முடிவு பண்ணிக்கிட்டு, டெல்லி விமான நிலையத்துல இறங்கி அங்கே இருக்குற AVA counter நோக்கி போனேன். அதெல்லாம் சரி,  AVA அப்படீன்னா என்னன்னே உங்களுக்கு இன்னும் சொல்லல இல்ல. சரி வாங்க பார்ப்போம்….

அதாவது, AVA Merchandising Pvt. Ltd அப்படீங்கிறது, டெல்லி பக்கத்துல இருக்குற, குர்கோவன் நகரத்துல இருந்து இயங்குற ஒரு வணிக நிறுவனம். கைக்கடிகாரம், கணினி உள்ளிட்ட பல பொருட்களை இணையதளம் மூலமாக மற்றும் நேரடியாகவும் விற்பனை செய்கிற ஒரு நிறுவனம். இந்த நிறுவனம் ஏர்-இந்தியாவுடன் கூட்டு வைத்துக்கொண்டு விமான பயணிகளுக்கும் பல பொருட்களை விற்பனை செய்கிறது. அதன் ஒரு அங்கமாகவே இந்த அன்பளிப்பு படலம்!

ஏமாற்றாதே ஏமாற்றாதே…..! ஏமாறாதே ஏமாறாதே…..!

சரி, திரும்பவும் நாம அன்பளிப்புக்கு வருவோம். என்னோட அன்பளிப்பான Paul Phillipe கைக்கடிகாரம் அல்லது முத்து மாலையை வாங்க AVA counter போனேன். அங்கிருந்த ஊழியரிடம் என்னோட கூப்பனை கொடுத்தேன். அவன் என்னை பார்த்து கொஞ்சம் புன்னகைத்தான் (அவன் எதுக்கு சிரிச்சான்னு இப்போ சந்தேகமா இருக்கு. ஏன்னா, அவன் சிரிப்பு கொஞ்சம் நக்கலா இருந்த மாதிரி ஒரு உணர்வு எனக்கு! அதாவது, இதுல ஏதாவது உள்குத்து இருக்குமோ அப்படீங்கிற மாதிரி?!)

அப்புறம் கைக்கடிகாரம் வேணுமா, முத்து மாலை வேணுமான்னு கேட்டான். எனக்கு முத்து மாலை மேல நம்பிக்கை வரல, ஆனா கைக்கடிகாரத்தை நம்பி வாங்கலாம் போல இருந்ததுனால அதை கொடுன்னு கேட்டேன். அவன் அதுக்கான வரிப்பணம் ரூ.499 கேட்டான். கொடுத்து கைக்கடிகாரத்தை வாங்கி, அதுக்குள்ள வாரண்டி கார்டு, மேனுவல் எல்லாம் இருக்குதான்னு பார்த்தேன். ரெண்டுமே இருந்துச்சி. ஆனா, அது ரெண்டு மேலயும் சின்னதா ஒரு டவுட்டு! எங்கேயோ இடிக்குதே அப்படீங்கிற மாதிரி இருந்துச்சி.

சரி, விடு சரியாத்தான் இருக்கும்னு வாங்கிட்டு வந்துட்டேன். ஜப்பான் வந்த பின்னாடி, சரி நாம வாங்கின பால் ஃபிலிப்பி கைக்கடிகாரம் பத்தி மேலதிக விவரம் தெரிஞ்சிக்கலாமேன்னு கூகுள்ல தட்டிப்பார்த்தேன். கைக்கடிகாரத்தோட பேரை படிச்சவுடனேயே AVA நிறுவனத்தோட குட்டு உடைஞ்சுப்போச்சு. எப்படின்னு கேக்குறீங்களா? மேல படிங்க…..

Paul philippe அப்படீங்கிறதுதான் ஒரிஜினல்/உண்மையான வாட்ச் ப்ராண்டோட ஸ்பெல்லிங். ஆனா, என்னோட கைக்கடிகாரத்துல இருந்தது Paul phillippe அப்படீங்கிற ஸ்பெல்லிங் (ஒரு l அதிகமா இருக்கு பாருங்க!). ஆக, இது ஒரிஜினல் இல்ல டுபாக்கூரு அப்படீங்கிறது நிரூபனமாயிடுச்சி! இதை நான் இன்னும் உறுதிசெய்துகொள்ள உதவியது கீழுள்ள தளங்கள்ல,  AVA நிறுவனத்தால ஏமாற்றப்பட்ட பலரால் பதிவு செய்யப்பட்ட பெட்டிஷன்கள்!

http://www.consumercomplaints.in/?search=paul%20phillippe

http://www.consumercourtforum.in/f10/fraud-ava-merchandising-5281/

இதையெல்லாம் படிச்சப்பின்னாடி AVA நிறுவனம் எவ்வளவு பெரிய மோசடி/டுபாக்கூரு நிறுவனம்னு தெளிவா புரிஞ்சுப்போச்சு எனக்கு (என்ன, உங்களுக்கும்தானே?!). அப்புறமா ஒரு முக்கியமான டவுட்டு! அது என்னன்னா, அந்த இலவச(?), டுபாக்கூரு(?) கைக்கடிகாரத்துக்காக, வரியாக நான் கொடுத்த ரூ.499-ம் வீண் பண விரயமா இல்ல, அந்த அளவுக்காவது அந்த கைக்கடிகாரத்து மதிப்பு இருக்குமான்னு?! இது அந்த டுபாக்கூரு AVA நிறுவனத்து மட்டும்தான் வெளிச்சம்னு நெனக்கிறேன்?!

நானாவது பரவாயில்லீங்க, கைக்கடிகாரத்துக்கு ரூ.499 தான் கொடுத்தேன். ஆனா, பல பேரு அந்த விற்பனை அட்டையில இருக்குற ப்ளாக்பெர்ரி மொபைல் உள்ளிட்ட பல பொருட்கள பல ஆயிரங்கள் கொடுத்து, க்ரெடிட் கார்டு மூலமா வாங்கிட்டு, மாதக்கணக்கா/வருடக்கணக்கா இன்னும் தங்களுக்கு பொருளும் வரல, பொருளுக்கான பணத்தையும் திருப்பி தரல அப்படீன்னு புலம்பிக்கிட்டு இருக்காங்க. அவங்கதான் ரொம்ப பாவம்.

ஆக, இந்த பதிவை எழுதுவதன் நோக்கம் என்னன்னா, இம்மாதிரியான மோசடி நிறுவனங்களை உங்களுக்கு தோலுறித்துக்காட்டி, அதற்கு நேரடியாகவோ(?)/மறைமுகமாகவோ துணைபோகும் ஏர்-இந்தியா மற்றும் ஜெட்லைட் மாதிரியான விமான நிறுவனங்களையும் அடையாளங்காட்டுவதுமே!

அதனால உஷாரய்யா உஷாரு….! விமான பயணத்துல AVA மூலமா பகல்கொள்ளை உஷாரய்யா உஷாரு!!

முக்கியமா, இந்த பதிவை படிக்கிற உங்கள்ல சிலர்/பலர், உள்நாட்டு விமான போக்குவரத்துக்காக ஏர்இந்தியா, ஜெட்லைட் விமானங்களை இனி வரும் காலங்கள்ல கண்டிப்பா பயன்படுத்தக்கூடும். அப்படி பயன்படுத்தும்போது, “இம்மாதிரியான இலவச மோசடிகள் மற்றும் பணம் கொடுத்து பொருள் வாங்குவதில் உள்ள உள்குத்துகள், மோசடிகள் போன்றவற்றை பகுத்தறிந்து, உஷாரா இருங்க. உங்க பணத்தை கவனமா செலவு பண்ணுங்க” அப்படீன்னு தாழ்மையோட கேட்டுக்கிறேன்.

இது தொடர்பா உங்களுக்கும் ஏதாவது சொந்த அனுபவம் இருந்தா, அதையும் நீங்க மறுமொழி மூலமா பகிர்ந்துக்கிட்டா இந்த பதிவுக்கும், விழிப்புணர்வுக்கும் வலு சேர்த்த மாதிரி இருக்கும். நன்றி…..

தொடர்புடைய சில பதிவுகள்:

ஊரை ஏமாற்றும் “மூளைப்பயிற்ச்சி விளையாட்டு” மென்பொருள்கள்?!

கிக்கு ஏறுது புத்தி(I.Q) இறங்குது?!

ஃபேஸ்புக்கும் சில அதிர்ச்சித் தகவல்களும்

ஃபேஸ்புக்: செய்யக்கூடாத அந்த 7 தவறுகள்?!

இந்தப் பதிவு உங்களுக்கு பிடிச்சிருந்தா கீழுள்ள தொடர்பை அழுத்தி, (இன்ட்லி கணக்கு ஒன்றை தொடங்கியபின், பத்மஹரி பக்கத்தில்) பதிவுகளின் இடது பக்கத்தில் இருக்கும் vote எனும்  ஆரஞ்சு வண்ண பொத்தானை அழுத்தி இன்ட்லியில் ஓட்டு போடுங்க……., நன்றி!

பிடிச்சிருந்தா இன்ட்லியில ஓட்டு போடுங்க

மேலிருப்பான் தளம் உங்களுக்குப் பிடிச்சிருந்தா இங்கே அழுத்தி உங்கள் ஆதரவை தெரிவியுங்கள். நன்றி

அது தொடர்பான சில அதிகாரப்பூர்வ செய்திகளை படிக்க நேர்ந்ததும், உடனே அதனை உங்களுடன் பகிர வேண்டும் என்ற உந்துதலால் ஒரு பதிவை எழுதினேன். ஆனால் அதனை முழுமையாக முடிக்க போதிய நேரமின்மையால் அரைகுறையாக நிறுத்திவிட்டு தொடரும் போட வேண்டிய சூழல். அதனால் ஏற்பட்ட குழப்பங்களுக்காக என்னை மன்னியுங்கள். அதன் தொடர்ச்சியான பின்வரும் பதிவை படிக்கும்முன் முந்தைய பதிவை இங்கு சென்று படித்துவிடுங்கள்.

ஃபுகுஷிமாவிலிருந்து வெளியாகும் கதிரியக்க கழிவுகள் இன்னும் நின்றபாடில்லை. மாறாக, பாதிக்கப்பட்ட அணுஉலைகளிலிருந்து கழிவுகள் தொடர்ந்து வெளியிடப்பட்டவண்ணமே இருக்கிறது. ஆனால், இக்கழிவுகள் வெளியேற்றப்படுவது நிறுத்தப்படும் வேளையில், வெளியிடப்பட்ட கதிரியக்கத்தால் ஏற்படக்கூடிய நீண்டகால பின்விளைவுகள், எந்த விதமான கதிரியக்க வாயுக்கள்/துகள்கள், எவ்வளவு அளவுகளில் நிலத்தில் படிந்துள்ளன என்பதைப்பொறுத்தே அமையும் என்பது குறிப்பிடத்தக்கது!

சுமார் 30 வருடங்கள் வரை அரைவாழ்வு காலம் (அழியாமல் இருக்கும் காலம்) கொண்ட சீசியம்-137 படிந்துள்ள அளவுகளை பொறுத்து, எந்த இடம் எவ்வளவு காலம்வரை மனித குடியிருப்பு மற்றும் விவசாயப் பயன்பாட்டுக்கு தகுதியற்றதாக மாறும் என்பது கணிக்கப்படும்!

கதிரியக்க அளவுகள் குறித்த அதிகாரப்பூர்வ தகவல்கள்!

கடந்த ஞியாயிற்றுக்கிழமையன்று, சர்வதேச அணு சக்தி முகமை (International Atomic Energy Agency, IAEA) வெளியிட்டுள்ள செய்தியறிக்கையின்படி, ஜப்பானிலுள்ள மொத்தம் 47 மாநிலங்களில் (prefectures) சுமார் 16 மாநிலங்களில் நிலத்தில் படிந்துள்ள கதிரியக்கத்தின் அளவு, அயோடின்-131 ஒரு சதுர அடிக்கு 860 பெக்கெரல்கள் (860 becquerels per square metre, Bq m⁻²) என்றும், சீசியம்-137 அளவு 100 பெக்கெரல்கள் (100 Bq m⁻²) என்றும் தெரியவந்துள்ளது. மேலும், ஜப்பானின் 28 மாநிலங்களில், கடந்த 18 ஆம் தேதி முதல் 25 ஆம் தேதி வரையிலான காலகட்டத்தில் கதிரியக்க அளவுகள் அதிகரிக்கவில்லை என்றும் கூறுகிறது சர்வதேச அணு சக்தி முகமை!

ஆனால், ஃபுகுஷிமாவுக்கு நேர் வடமேற்கேயுள்ள யமாகாதா மாநிலத்தில் படிந்துள்ள கதிரியக்க அயோடின்-131 அளவு ஒரு சதுர அடிக்கு 7500 பெக்கெரல்கள் (7500 Bq m⁻²) என்றும், சீசியம்-137 அளவு 1200 பெக்கெரல்கள் (1200 Bq m⁻²) என்றும் தெரியவந்துள்ளது. இந்த அளவு காய்கறி/கீரைகள் வளர்ப்புக்கு பரிந்துரைக்கப்பட்ட அளவுகளை தாண்டியது என்பது குறிப்பிடத்தக்கது! ஃபுகுஷிமா மா நிலத்துக்கான கதிரியக்க அளவுகள் இன்னும் அதிகமாகவே இருக்கின்றன மற்றும் சரியாக கணிக்கப்படவில்லை என்பது குறிப்பிடத்தக்கது. முக்கியமாக, ஜப்பானின் இக்கணிப்புகள் அமெரிக்காவின் சக்தி துறையின் (US Department of Energy) கணக்கெடுப்புகளுடன் ஒத்துப்போகிறது என்பது ஒரு பெரிய ஆறுதல்!

ஆக, காற்றடித்தாலும், மழை பெய்தாலும் கதிரியக்கத்தின் அளவுகளில் பெரிதாக மாற்றமொன்றும் இல்லை என்று இந்த குறுகிய கால கணக்கெடுப்பின் மூலம் கூறப்படுகிறது!

மேலும், இந்த கணக்கெடுப்பில் கண்டறியப்பட்ட, மிக அதிகபட்சமான கதிரியக்க அளவுகளாக மணிக்கு 0.125 மில்லி சீவர்ட்ஸுக்கும் மேலான அளவுகளே (greater than 0.125 millisieverts per hour; mSv h⁻¹) குறிப்பிடப்படுகிறது. அதுவும் அணு உலையைச் சுற்றிய 40 கிலோ மீட்டர் தூரத்தில் மட்டுமே! (பல மாதங்களுக்கு தொடர்ந்து கதிரியக்கம் தொடர்ந்தால்) மனிதர்களில் ஆரோக்கிய கேடுகள்/நோய்களை உண்டாக்கும் கதிரியக்க அளவுகளான 0.3 மில்லி சீவர்ட்ஸ் வரை இன்னும் ஒரு இடத்திலும் கணிக்கப்படவில்லை என்பது குறிப்பிடத்தக்கது. இருந்தாலும், சில இடங்களில் இருக்கும் கதிரியக்க அளவுகள் அப்படியே தொடருமேயானால் ஒரு வருடத்தில் 1000 மில்லி சீவர்ட்ஸை எட்டிவிடும். அப்படி எட்டினால், அதனால் பாதிக்கப்படும் மக்கள் கதிரியக்க கோளாறுகளான வாந்தி, முடி கொட்டுதல் மற்றும் வெள்ளை ரத்த அணு எண்ணிக்கை குறைவு போன்றவற்றிற்கு ஆளாகக்கூடும் என்பது அதிர்ச்சி தருகிறது!

அணு உலையைச் சுற்றிய 20 கி.மீ ஒட்டிய பெரும்பாலான பகுதிகளில் 0.012 மில்லி சீவர்ட்ஸுக்கும் குறைவான  அளவுகளிலேயே கதிரியக்கம் பரவியுள்ளது என்றாலும், இந்த கதிரியக்க அளவானது, இங்கிலாந்தில் அணு உலை பணியாளர்களுக்கு பரிந்துரைக்கப்பட்டுள்ள ஒருவருட கால பாதுகாப்பு கதிரியக்க அளவான 100 மில்லி சீவர்ட்ஸை விட 5 மடங்கு அதிகமானது என்பது குறிப்பிடத்தக்கது! மொத்தத்தில் ஃபுகுஷிமாவை சுற்றிய பகுதியிலிருக்கும் கதிரியக்க அளவுகள் செர்னோபில் அளவை விட மிக மிக குறைவே என்பது ஒரு பெரிய ஆறுதல் என்கிறார் இயற்பியலாளர் ஜிம் ஸ்மித்!

ஜப்பானில் நிலம் மற்றும் கடல்நீரில் பரவியுள்ள கதிரியக்க அளவுகளும், பின்விளைவுகளும்!

சில நாட்களுக்கு முன்புவரை கதிரியக்கம் காற்றில் கலந்துவிட்டது எல்லோரும் வெளியில் செல்லாதீர்கள், மழையில் நனையாதீர்கள், வெளிகாற்றை சுவாசிக்காதீர்கள் (!) என்று சொல்லிவந்தார்கள். ஆனால் இப்போது, கதிரியக்கம் நிலத்திலும், கடல் நீரிலும் பரவிவிட்டதால் நிலத்தில் விளையும் காய்கறி, பழங்கள், மற்றும் கீரைகளையும் உண்பதை நிறுத்துங்கள் என்று சொல்ல…இல்லை இல்லை தொடர்ந்து இம்சிக்கத் தொடங்கிவிட்டார்கள். இது குறித்த ஒரு விஞ்ஞான ரீதியிலான புரிதல் ஏற்படாவிடில் தலையே வெடித்துவிடும்போல் இருந்தது எனக்கு (உங்களில் சிலருக்கும் கண்டிப்பாக இருந்திருக்கும்!).

ஜப்பானிய அரசு முதலில் ஃபுகுஷிமா அணுமின் நிலையத்தைச் சுற்றிய 30 கிலோமீட்டர் தொலைவுக்கு வெளியே சென்றுவிடும்படிதான் மக்களை கேட்டுக்கொண்டிருந்தது. ஆனால் இப்போது அந்த தூரம் இன்னும் பல் கிலோமீட்டர்கள் அதிகப்படுத்தப்பட வேண்டும் போலிருக்கிறது. காரணம், அணுமின் நிலையத்தை ஒட்டிய 40 கி.மீ தூரத்தில், வடமேற்கு திசையில் மண்ணில் கலந்திருக்கும் கதிரியக்கத்தை அறிய, ஜப்பானிய அறிவியல் துறை அதிகாரிகளால் நடத்தப்பட்ட கதிரியக்க சோதனைகளில்,

ஒரு கிலோ மண்ணில் இருக்கும் சீசியம்-137 அளவு 163,000 பெக்கெரல்கள் (163,000 Bq kg⁻¹) என்றும், அயோடின்-131 அளவு 1,170,000 பெக்கெரல்கள் என்றும் கணக்கிடப்பட்டுள்ளது. ஆனால், பயிர்கள் விளையும் (விவசாய) நிலங்களுக்கான அனுமதிக்கப்பட்டுள்ள கதிரியக்கத்தின் அளவு, ஒரு கிலோ மண்ணுக்கு சில  நூறு பெக்கெரல்கள் மட்டுமே என்பது குறிப்பிடத்தக்கது.  மிக முக்கியமாக, மண்ணில் கலந்துள்ள சீசியம்-137-தின் அளவு 100,000 பெக்கெரல்கள் அளவிலிருக்குமேயானால், அத்தகைய இடங்கள் மனித வாழ்க்கைக்கும், விவசாயத்துக்கும் முற்றிலும் தகுதியற்றைவை ஆகிவிடுகின்றன என்பதால், அங்குள்ள மக்கள் நிரந்தரமாக வெளியேறிவிட அல்லது வெளியேற்றப்பட வேண்டியது அவசியம் என்கிறார் இயற்பியலாளர் ஸ்மித்!

சீசியம்-137 அளவு லட்சக்கணக்கான பெக்கெரல்கள் இருக்கும் இடங்களின் விளக்கமான வரைபடங்கள் உருவாக்கப்பட்டால் உடனே அப்பகுதி மக்களை வெளியேற்ற வசதியாக இருக்கும் என்கிறார் ஸ்மித்! அணு மின் நிலையத்தை ஒட்டிய 20 கி.மீ தூரத்தில் வாழ்ந்த சுமார், 200,000 பேர் ஏற்கனவே வெளியேற்றப்பட்டிருந்தாலும், கடந்த 25 ஆம் தேதி ஜப்பானிய அரசு மேலும் 10 சதுர கி.மீ தூரத்தில் உள்ள மக்களை வெளியேற சொல்லி கேட்டுக்கொண்டிருக்கிறது!

கடலில் நீரில் கலந்துள்ள கதிரியக்கத்தின் அளவுகள், பின்விளைவுகள்; ஒரு பார்வை!

அதிர்ஷ்டவசமாக, ஃபுகுஷிமா அணு உலைகளிலிருந்து வெளியேற்றப்பட்ட கதிரியக்கத்தின் பெரும்பாலான பகுதிகள் கடல் நீரிலேயே கரைக்கப்பட்டுவிட்டதால், நிலத்துக்கு ஏற்படவிருந்து பெரும் பாதிப்புகள் தவிர்க்கப்பட்டிருந்தாலும், கடல் நீரில் கலந்துவிட்ட கதிரியக்கம் அதற்கேயுறிய பாதிப்புகளையும், பின்விளைவுகளையும் ஏற்படுத்தியே தீரும் என்பது கவனிக்க வேண்டிய ஒன்று!

ஜப்பானிய அரசின் அறிவியல் துறையால் கடந்த வாரம் வெளியிடப்பட்ட தகவல்களின்படி, கரையில்ருந்து சுமார் 30 கி.மீ தொலைவிலுள்ள கடலின் மேல்மட்ட நீரில் லிட்டருக்கு 24.9 முதல் 76.8  பெக்கெரல்கள் அளவில் அயோடின்- 131 மற்றும் லிட்டருக்கு 11.2 முதல் 24.1 பெக்கெரல்கள் அளாவில் சீசியம்-137 கலந்துள்ளது. கடல் நீரிலுள்ள இக்கதிரியக்க அளவுகள் தொடர்ந்து குறைந்துவருகின்றன என்பது ஒரு ஆறுதல்.

மாறாக, சர்வதேச அணு சக்தி முகமையின் செய்தியறிக்கையின்படி, அணு உலைகளைச் சுற்றிய பகுதியில் அயோடின்- 131 லிட்டருக்கு 74000 பெக்கரல்களும், சீசியம்-137 மற்றும் சீசியம்-134 கலந்த கதிரியக்கம் லிட்டருக்கு 12,000 பெக்கெரல்கள் அளவிலும் இருப்பதாக தெரியவந்துள்ளது. முக்கியமாக, கடலோரப்பகுதிகளில் அனுமதிக்கப்பட்டுள்ள இக்கதிரியக்கத்தின் அளவு வெறும் 4000 பெக்கெரல்களுக்கு குறைவானதே எனும் தகவல் வயிற்றில் கொஞ்சம் புளியைக் கரைப்பதை தவிர்க்கத்தான் முடியவில்லை!

அணு உலை விபத்துகளின் காரணமாக, ஃபுகுஷிமா அணு மின் நிலையத்தை ஒட்டிய 20 கி.மீ தொலைவில் உள்ள கடல்பகுதிகளில் மீன் பிடிப்பதை தடை செய்திருக்கிறது ஜப்பானிய அரசு! கடல் பாசி மற்றும் பிற கடல் வாழ் உயிரினங்களும் அதிக அளவிலான கதிரியக்கத்தை உள்வாங்கிக் கொள்ளும் சாத்தியங்கள் இருப்பதால், அவற்றின் ஏற்றுமதிகளும் தடை செய்யப்பட வேண்டியது அவசியம் என்கிறார் ஒரு அமெரிக்க விஞ்ஞானி! அணு உலைகளில் ஏற்பட்ட விபத்துகளால் கடல் நீரானது கதிரியக்கத்தால் மிக மோசமாக மாசடைந்து இருக்கிறதென்றாலும், கடல் நீரின் அளவை கணக்கிடுகையில் கதிரியக்கம் வெகுவாக நீர்த்துப்போக வாய்ப்புள்ளது. அதனால் பின்விளைவுகள் வெகுவாக குறைந்துவிடும் வாய்ப்புள்ளது என்று நம்புவதாக சொல்கிறார் ஜிம் ஸ்மித்!

அதிர்ச்சிகரமாக, கடந்த 27.03.2011 ஞியாயிற்றுக்கிழமையன்று ஃபுகுஷிமா அணு உலைகளின் அடித்தளத்திலிருந்து கதிரியக்கம் நிறைந்த கழிவுநீரானது வெளியேற்றப்பட்டது. அதிலிருந்து மிகவும் ஆபத்தான கதிரியக்க அளவான மணிக்கு 1000 மில்லி சீவர்ட்ஸ் அளவிலான கதிரியக்கம் வெளியேற்றப்பட்டுள்ளது. இந்த கதிரியக்க கழிவுநீரானது கடற்கரையை ஒட்டிய 70 மீட்டர் தொலைவிலிருக்கும் குழாய்களுக்குள் கசிந்து வருவதால், அப்பகுதியின் கடல் நீரையும், நிலத்தடி நீரையும் மிக மோசமாக மாசுபடுத்தும் வாய்ப்புள்ளது அதிர்ச்சியளிக்கும் விதமாக இருக்கிறது!

இருந்தாலும், இத்தகைய ஒரு ஆபத்து ஏற்படாதவண்ணம் தடுத்து நிறுத்த அணு உலை பணியாளர்கள் பெருதும் முயன்று வருவதாக உறுதியளிக்கிறார் ஜப்பானிய அரசின் தலைமை கேபினட் செயலாளரான யூகியோ எடானோ! ஆனால், அணு உலைகளிலிருந்து கதிரியக்க கழிவுகள் தொடர்ந்து வெளியேற்றப்படும் வேளையில், அதனால் ஏற்படக்கூடிய மனித இழப்புகள் மற்றும் சுற்றுச்சூழல் இழப்புகள் அதிகரித்த வண்ணமே இருக்கும் என்பது குறிப்பிடத்தக்கது!

மாறாக, அணு உலைகளிலிருந்து கழிவுகள் வெளியேற்றப்படுவது நிறுத்தப்படும் வேளையில், சுற்றுச்சூழலிலுள்ள கதிரியக்கத்தின் அளவுகள் உடனடியாக குறைந்துவிடும். நிலத்தில் படிந்துள்ள  குறைந்த அரைவாழ்வு காலம் கொண்ட கதிரியக்க வாயுக்களும் உடனடியாக குறைந்துவிடும் என்பது ஆறுதலான தகவல்.

உதாரணமாக, 8 நாட்கள் அரைவாழ்வு காலமுடைய அயோடின்-131 அளவு உடனடியாக குறைந்துவிடும் என்று நம்பலாம்! அதிர்ஷ்டவசமாக, அணு உலைகளிலிருந்து சுற்றுச்சூழலுக்கு வெளியேற்றப்படும்/வெளியேற்றப்பட்டுள்ள கதிரியக்க கழிவுகளின் பெரும்பான்மையான பகுதி அயோடின்-131 வாயுவினாலானது என்பது கெட்டதிலும் ஒரு நல்லது என்றிருப்பது நமக்கு சாதகமே!

ஆனா, இப்போ பிரச்சினை என்னன்னா, “ஃபுகுஷிமாவின் அணு உலைகள் முற்றிலும் சீர் செய்யப்பட/நிறுத்தப்பட இன்னும் பல வாரங்கள் அல்லது மாதங்கள் கூட ஆகலாம் அப்படீங்கிறதுதான்! மிக முக்கியமா, வடமேற்கு ஜப்பானில் படிந்துள்ள அணுக்கதிரியக்க வாயுக்கள் குறைய, முற்றிய அழிந்துபோய் அந்த பகுதி சகஜ நிலைக்கு திரும்பி, மக்கள் வாழ்க்கைக்கு ஏற்றதாய் மாற இன்னும் பலப்பல வருடங்கள் பிடிக்கும் என்பதை மறுப்பதற்கில்லை என்கிறார்கள் விஞ்ஞானிகள்!

இனி என்ன செய்ய போகிறோம்?

முதல்ல 1986-ல ரஷ்யாவின் செர்னோபில் அணு உலை விபத்து, அதற்கப்புறம் அமெரிக்காவின் த்ரீ மைல் ஐலாண்ட் அணு உலை விபத்து, இப்போ ஜப்பான்ல ஃபுகுஷிமாவின் அணு உலை விபத்து! இப்படி ஒரு தொடர்கதையாகிப்போன உலக அணு உலை விபத்துகளுக்கு அடிப்படை காரணமென்ன?

மனிதனின் அன்றாட வாழ்க்கைக்கு இன்றியமையாததாக மாறிப்போன மின்சாரம்!

இன்றைய சூழல்ல மின்சாரம் இல்லாம மனுஷனால வாழ முடியுமா? சத்தியமா முடியாது?! அப்போ, மின்சாரத்தை குறைந்த செலவுல அதிகமா கொடுக்குற அணுசக்தியை பயன்படுத்துறத தவிர வேற வழியே இல்லையா? கண்டிப்பா இருக்கு, ஆனா குறைந்த செலவுல இல்ல! சில மடங்கு அதிகமான செலவுல(?) மின்சாரம் கொடுக்குற, நம் சுற்றுச்சூழலையும் மனித வாழ்க்கையும் பாதிக்காத சில பொருட்கள் இருக்கின்றன. அவற்றைப் பற்றி மேலும் தெரிந்துகொள்ள கீழுள்ள இணைப்புகளிலுள்ள பதிவுகளை படிங்க……

நீர்+சூரிய ஒளி+காற்று=மின்சாரம், இது நாளைய உலகின் கணக்கு!

நீர்+சூரிய ஒளி+காற்று=மின்சாரம், இது நாளைய உலகின் கணக்கு-2

ஆக, உலக மின்சார தேவைக்காக மனிதர்களையும், விலங்கு தாவர மற்றும் இதர உயிர்களையும் இயற்கை சீற்றமல்லாத செயற்கை சீற்றங்களான அணு உலை விபத்துகளுக்கு தொடர்ந்து பறிகொடுப்பதை தவிர்க்க/தடுக்க சூரிய ஒளி, காற்றுல இருந்து மின்சாரம் தயாரிக்கிறதுதான் சரியான வழியா இருக்கும்னு நான் நினைக்கிறேன். ஆமா நீங்க?

பின் குறிப்பு:

நான் ஏப்ரல் மாதம் விடுமுறை எடுத்துக்கொண்டு இந்தியா செல்வதால் அடுத்த ஒரு மாத காலத்துக்கு பதிவுகள் எழுத முடியாது என்பதை வருத்தத்துடன் தெரிவித்துக்கொள்கிறேன். ஆனா, நீங்க படிக்கிறதுக்கு மேலிருப்பான்ல எவ்வளவோ அறிவியல், உளவியல், தொழில்நுட்ப பதிவுகள் காத்துக்கிட்டு இருக்குங்க. அதனால இன்னும் ஒரு மாசத்துக்கு அதை தொடர்ந்து படிச்சிக்கிட்டே இருந்தீஙகன்னா அதுக்குள்ள நான் திரும்பி வந்து மீண்டும் பதிவு எழுத ஆரம்பிச்சிடுவேன். செய்வீங்களா…….ரொம்ப நன்றி!

அப்போ நான் போய்ட்டு வரேன்……..

ஜப்பானின் ஃபுகுஷிமாவிலுள்ள தாய்இச்சி அணுமின் நிலைய 4 அணுஉலைகளின் கூரைகள் ஒன்றன்பின் ஒன்றாக வெடித்துச்சிதரியது குறித்தும் அதன் பின்விளைவுகள் குறித்தும் மார்ச் மாதம் 15 ஆம் தேதி ஒரு பதிவு எழுதியிருந்தேன். அதை எழுதிய பின்னர், கடந்த 15 நாட்களாக அணு உலைகளில் வெடிப்போ, பெரிய அசம்பாவிதமோ எதுவும் ஏற்படவில்லை என்பது ஒரு பெரிய ஆறுதல்.

ஆனால், அணு உலைகளை குளிர்விக்கும் பொருட்டு உட்செலுத்தப்படும் கடல் நீர், சில தினங்களுக்கு முன் நிறுத்தப்பட்டு, அமெரிக்காவிலிருந்து கப்பல் மூலம் அனுப்பப்பட்ட நல்ல நீர் அணு உலைகளுக்குள் செலுத்தப்பட்டு கொண்டிருக்கிறது என்றும் தெரியவந்தது. ஏனென்றால், உப்புத்தண்ணீரான கடல் நீரை கொண்டு குளிர்விப்பதால், அணு உலையினுள்ளே இருக்கும் யுரேனிய கம்பிகளும் மற்ற அணு உலை கட்டுமானங்களும் விரைவில் சேதமடைந்து, அதன் காரணமாகவும் அணு உலை வெடிக்கும் அபாயம் இருப்பதாலேயே கடல் நீரை தவிர்த்து நல்ல நீரை செலுத்தினார்கள்!

“எல்லாஞ்சரிதான், ஆனா ஒரு விஷயம் மட்டும் இன்னும் இடிக்குதே” என்பதுபோல அணு உலைகள் வெடிக்காமலிருக்க தொடர்ந்து குளிர்விக்கப்பட்டுக் கொண்டிருந்தாலும், அதிலிருந்து சுற்றுச்சூழலுக்குள் வெளியிடப்படும் அணுக்கதிரியக்கம் நிறைந்த காற்றும், திரவங்களும் மட்டும் நின்றபாடில்லை! இதுதான் “எரிகிற நெருப்பில் எண்ணையை ஊற்றுவது போல” கதிரியக்க ஆபத்து குறித்த பயங்களையும், புரளிகளையும் உலகெங்கிலும் வளர்த்துக்கொண்டிருப்பதற்கு காரணம்!

ஜப்பானில் (பெரும்பாலும் வெளி நாட்டுக்காரர்கள் மூலமாக) பரவிவரும் பயங்கள், புரளிகளுக்கு உதாரணமாக,

“(உலகில்) இனி எப்போ மழை பெய்தாலும் அதில் நனைவதால் கதிரியக்க ஆபத்துகளுக்கு ஆளாகிவிடுவோம். அதனால் மழையில் தவறியும் நனைந்துவிடக்கூடாது”

” நிலத்தடி நீரில் கதிரியக்கம் கலந்து பரவிவிட்டதால், தண்ணீர் குழாயில் வரும் நீரை அருந்தக்கூடாது. மினரல் வாட்டரை மட்டும்தான் அருந்தவேண்டும்”

“கதிரியக்க ஆபத்துகளிலிருந்து நம்மை பாதுகாத்துக்கொள்ள அயோடின் மாத்திரைகளை வாங்கி விழுங்குவது நல்லது”

“ஜப்பானில் விற்பனையில் இருக்கும் காய்கறிகள், பழங்கள், பால், இறைச்சி, மீன் இப்படி எல்லாவற்றிலும் கதிரியக்கம் பரவிவிட்டது. அதனால் கடைகளில் சென்று இவற்றை வாங்கக்கூடாது. அதற்கு மாற்றாக, அமேசான் போன்ற ஆன்லைன் (இணையதள) கடைகளில் இப்பொருட்களை வாங்குவது நல்லது”

இப்படி புரளிகளை அடுக்கிக்கிட்டே போகலாம். ஆனா, இம்மாதிரியான புரளிகள்/செய்திகள் எங்கிருந்து வருகிறது? அதை வெளியிடுவது யார்? இந்த புரளிகளில் இருக்கும் உண்மைத்தன்மை எவ்வளவு/எத்தனை விழுக்காடு? இதை நம்புவதா கூடாதா?

இப்படி பலப்பல கேள்விகள் இங்கு வாழும் ஒவ்வொருவருக்கும்! ஆனா அதுக்கான சரியான/நம்பத்தகுந்த விடைகளும், விளக்கங்களும்தான் ரொம்பக் குறைவா இருக்கு. இந்த கதிரியக்க பரவல் குறித்த ஆதாரப்பூர்வமான செய்திகள், அறிவியல் விளக்கங்கள் சிலவற்றை நான் படித்தேன். அதை உங்களுடன் பகிர்ந்துகொள்ளவே இந்த பதிவு!

ஜப்பானில் கதிரியக்கம் பரவல்; ஆதாரப்பூர்வமான உண்மை நிலவரம்!

ஃபுகுஷிமா அணுமின் நிலைய விபத்து தொடர்பான ஆய்வுகள் மற்றும் சோதனைகள் போன்றவற்றின் அடிப்படையில்

படம்: கூகுள்

வெளியாகியுள்ள சமீபத்திய செய்தியறிக்கையின்படி அணு உலைகளிலிருந்து வெளியாகும் கதிரியக்கம் குறித்த புள்ளிவிவரங்கள் பாதுகாப்பு குறித்த பெரியதொரு நம்பிக்கையை ஏற்படுத்தும் விதமாக இல்லை என்கிறார்கள் விஞ்ஞானிகள்!

கதிரியக்க கண்காணிப்பு அதிகாரிகளின் கூற்றுப்படி, அணு உலைகளில் இருந்து வெளியாகும் கதிரியக்கம் பெரும்பாலும் அணுமின் நிலையத்தைச் சுற்றிய வடமேற்கு பகுதியிலேயே மிகவும் ஆபத்தான அளவுகளில் இருக்கிறது என்று தெரிகிறது! அணு உலை கூரைகளின் வெடிப்பின்போது வெளியான கதிரியக்கத்தை விட குறைந்த அளவிலேயே இப்போது கதிரியக்கம் வெளியாகிறது என்றாலும், கதிரியக்க கழிவுகள் வெளியிடப்படுவது தொடர்கிறது! அதனால் ஏற்படும் பின்விளைவுகள் பற்றிய கணிப்புகள் திட்டவட்டமாக சொல்லும்படியாக இல்லை என்கிறார்கள் அதிகாரிகள்!

இது குறித்த திட்டவட்டமான கணிப்புகள் மேற்கொள்ளப்பட இன்னும் காலம் பிடிக்கும். இதுவரை கிடைத்துள்ள தகவல்கள் போதுமானதாக இல்லை. ஆனால், ஏற்படப்போகும் விளைவுகளிலிருந்து உடனே மக்களை பாதுகாக்கும் ஜப்பானிய அரசின் முயற்சிகளான, பாதிக்கப்பட்ட இடங்களிலிருந்து மக்களை உடனே வெளியேற்றுவது, மோசமாக பாதிக்கப்பட்ட இடங்களில் விவசாயம் செய்வது மற்றும் மீன் பிடிப்பது போன்றவற்றை தடை செய்வது போன்றவை முழுவீச்சில் நடந்துவருகிறது என்கிறார் இதில் ஈடுபட்டுள்ள இங்கிலாந்து நாட்டின் போர்ட்ஸ்மவுத் பல்கலைக்கழக இயற்பியலாளர் ஜிம் ஸ்மித்!

அணுக்கதிரியக்கம் குறித்த ஆரம்பநிலை கணிப்புகளின்படி, ஃபுகுஷிமாவின் அணு உலைகளிலிருந்து வெளியாகியுள்ள கதிரியக்கம், 1986-ம் ஆண்டில் நிகழ்ந்த மிகப்பெரிய ரஷ்ய அணுஉலை விபத்தான செர்னோபில்லில் வெளியான அளவில் பத்தில் ஒரு பங்கு என்றும், வெளியான கதிரியக்கத்தை காற்று பசிபிக் பெருங்கடலுக்குள் கொண்டு சென்றிருக்கலாம் என்றும் கூறப்படுகிறது!

ஆஸ்திரிய நாட்டின் வியன்னா நகரிலுள்ள மத்திய வானிலை மற்றும் அகநில இயக்கவியல் ஆய்வுமையத்தின் கடந்தவார கணிப்புப்படி, ஃபுகுஷிமாவிலிருந்து வெளியான கதிரியக்க புகைமண்டலமானது, தற்போது வட அரைக்கோளத்தில் பரவிவிட்டதாகவும், காற்றுமண்டலத்தில் கலந்துள்ள கதிரியக்க வேதியல்களான அயோடின்-131 மற்றும் சீசியம்-137 ஆகியவை மிக மிக குறைந்த (negligible levels) அளவிலேயே ஜப்பானுக்கு வெளியேயுள்ள நாடுகளுக்கு பரவியுள்ளது என்று தெரியவருகிறது! மாறாக, ரஷ்ய செர்னோபில் அணுஉலை விபத்தில் வெளியான கதிரியக்கம் நிலத்திலேயே முடக்கப்பட்டிருந்ததால், ஐரோப்பாவின் பல இடங்களுக்கு பரவிவிட்டது என்பது குறிப்பிடத்தக்கது!