என்னைப் பற்றி

அடடே….வாங்க வாங்க, வணக்கம். நல்லாயிருக்கீங்களா? முதல்ல, என்னைப் பத்தி தெரிஞ்சிக்க வந்ததுக்கு நன்றி!

நம்மளப் பத்தி சொல்றதுக்கு ஒன்னும் பெருசா இல்லீங்க! உயிர்தொழில்னுட்பவியலில் முதுகலைப் பட்டம், இப்போ  மருத்துவத்தில் முனைவர் பட்டப்படிப்பு “மார்பகப் புற்றுநோய் (புற்றுநோய் குறுத்தனுக்கள் பற்றியது)” ஜப்பானில்! மத்தபடி கற்றது கைம்மண்ணளவே அப்படீன்னு நினைக்கிற சராசரிகளில் நானும் ஒருத்தன்!

படிக்கிற பல விஷயங்கள்ல சில, நம்மையும் தாண்டி பொதுமக்களுக்கு பயனுள்ளதா இருக்குங்கிறதுனால,  அந்த வகைச் செய்திகள உங்க எல்லார்கூடயும் பகிர்ந்துக்கனும்னு தோனினப்போ, ஒரு வெகுஜன ஊடகம் மூலமா கருத்துப் பரிமாற்றம் செய்யலாம்னு இந்த வேர்டுப்ரஸ் வலைப்பயணத்தை தொடங்கினேன்.

மேலிருப்பான் என்னும் தலைப்பு பற்றிய விளக்கம்!

மேலிருப்பான் அப்படீங்கிற தலைப்பு பத்தி சில நண்பர்கள் கேட்டிருந்தார்கள். அதற்கான விளக்கத்தை, ஒரு நண்பரின் கேள்விக்கு பதிலாக என் 200-வது பதிவில் மறுமொழியிட்டிருந்தேன். அது உங்கள் பார்வைக்கு…..

“கடலூர் மாவட்டத்திலுள்ள, “மேலிருப்பு” என்னும் ஊர்தான் நமக்கு பிறப்பிடம். “பிறந்த ஊருக்கு பெருமை சேரு” என்பதற்கேற்றார் போல, நான் பிறந்த ஊரின் பெயருடனே என் இணைய அடையாளம் இருக்கட்டுமே என்றுதான் வலைப்பக்கத்துக்கு “மேலிருப்பான்” என்று பெயர் வைத்தேன்!”

டிஸ்கி:

இங்கே நீங்க படிக்கிற செய்திகள் எல்லாமே, நான் ஆய்வறிக்கைகளில் படித்தவையும், இணையத்தில் இன்னபிற அறிவியல் தளங்களில் படித்தவையும்தான். நான் எழுதும் பதிவுகளில் சில/பல தவறுகள் இருக்க வாய்ப்புண்டு அப்படீங்கிறதுனால, இவ்வலைப்பக்கத்தில் வெளியாகும் செய்திகள் குறித்த மேலதிக தகவல்களுக்கு, ஒவ்வொரு பதிவிலும் கொடுக்கப்பட்டுள்ள தொடர்புகளுக்கு சென்று படித்துக்கொள்ளுமாறு வாசக நண்பர்களை அன்புடன் கேட்டுக்கொள்கிறேன்!

காப்புரிமை:

மேலிருப்பான் by Harinarayanan is licensed under a Creative Commons Attribution-Noncommercial-No Derivative Works 2.5 India License. Based on a work at padmahari.wordpress.com.

இவ்வலைப்பக்கத்தில் வெளியாகும் எல்லா பதிவுகளின் உரிமையும் மேலிருப்பானுக்கே சொந்தமானது. பதிவுகளை அனுமதியின்றி பயன்படுத்துவது சட்டப்படி குற்றமாகும். நன்றி

தொடர்புக்கு:

பதிவுகள் பற்றிய உங்களின் மேலான கருத்துக்களையும், இத்தளத்தை மேலும் பயனுள்ளதாக மாற்ற ஏதேனும் அறிவுறைகளிருப்பின் அவற்றையும், கீழ்கண்ட என் மின்னஞ்சல் முகவரிக்கு எழுதி அனுப்புங்கள். உங்களின் தொடர்ந்த ஆதரவையும் எனக்கு அளிக்குமாறு பணிவன்புடன் கேட்டுக்கொள்கிறேன்.

என்னைத் தொடர்புகொள்ள, இந்த மின்னஞ்சல் முகவரி(கள்): harinarayananj@gmail.com, padmaharij@gmail.com

வருகைக்கும், ஆதரவுக்கும் மிக்க நன்றி,

மீண்டும் பதிவுகளில் சந்திப்போம்,

அன்புடன்,

பத்மஹரி.